هئچ کسه سر دئییل کی، استراتژی و حربی متفیقیمیز اولان تورکیه ایله سون دؤورلر مناسبتلریمیزده معین کنفلیکت یارانمیشدیر. و بو، هئچ شبهه‌سیز کی، هر ایکی طرفین ملی ماراقلارینا ضدیر. بو گرگینلیین یارانماسیندا ماراقلی اولان طرفلر وار. تورکیه‌نین اؤزونده ده معین سیاسی گروپلاشمالار، مدیا تمثیلچیلری و سایر. مناسبتلریمیزه خلل گتیرمک اوچون جد-جهدله چالیشدیلار.

بو سؤزلری Axar.az-آ آچیلاماسیندا ملت وکیلی المان نصیروو تورکیه پرزیدنتی رجب طیب اردوغانین اوکتیابرین ۲۱-ده آذربایجان پرزیدنتی ایلهام علیئوه زنگ ائتمه‌سی ایله باغلی دانیشارکه‌ن دئییب.

«بیزیم دوستلوغوموز و قارداشلیغیمیز ائله سیخ تئللرله باغلیدیر، او قدر محکمدیر کی، بئله جهدلرین اوغورسوزلوغو لابوددور. بو باخیمدان تورکیه پرزیدنتی رجب طیب اردوغانین اوکتیابرین ۲۱-ده آذربایجان پرزیدنتی ایلهام علیئوه زنگ ائتمه‌سی و دولتیمیزین باشچی‌سی ایله ایکی‌طرفلی مناسبتلریمیزین گئنیش اسپکترلرینه دایر مسئله‌لری مذاکره ائتمه‌سی، دوستلوق و قارداشلیق مناسبتلرینین بوندان سونرا داها دا انکشافیندا ماراقلی اولدوغونو ایفاده ائتمه‌سی چوخ مثبت ایمپولسلاردیر. عینی زمان‌دا، اردوغان آذربایجان پرزیدنتینی اوکتیابرین سونوندا تورکیه‌ده کئچیریله‌جک تورک دولتلری تشکیلاتینین ۱۳-جو ساممیتینه ده شخصاً دعوت ائتدی. حساب ائدیرم کی، بو زنگ و بو دعوت ایکی‌طرفلی مناسبتلریمیزده سون گونلر یاشانان آنلاشیلماز مقاملارین آرادان قالدیریلماسینا خدمت گؤسترجک.

مناسبتلریمیزین کورلانماسیندا ماراقلی اولان طرفلرین چیرکین نیتلری گؤزلرینده قالاجاق و آذربایجان-تورکیه استراتژی و حربی متفقلیک مناسبتلری بوندان سونرا یوکسه‌له‌ن خط اوزره انکشاف ائد‌جک».