«ایسپس ایکس» و «تئسلا» شیرکتلرینین رهبری ائلون ماسک الکتریکلی یوک ماشینینین پروتوتیپی «تئسلا سئمی»نی تقدیم ائدیب و ایلک دفعه یئنی نسیل «روادستئر» ایدمان ماشینی نوماییش ائتدیریب.

آخار. آذ خبر وئریر کی، تقدیمات کالیفورنییادا تشکیلاتین منزیل قرارگاهیندا کئچیریلیب.

معلوماتا گؤره، یوک ماشینی انرژی ایله تعمین اولوندوقدان سونرا ۸۰۰ کیلومتر مسافه‌نی قطع ائتمک، همچینین یوکسوز حالدا ساعتدا ۱۰۰ کیلومتر سرعتی جمعی ۵ ثانییه‌یه ییغماق ایمکانلارینا صاحبدیر. ماشینین سرییالی ایستحصالینا ۲۰۱۹-جو ایلده باشلانیلاجاق.

بوندان علاوه، «تسلا»نین یئنی نسیل ایدمان ماشینی حساب اولونان «روادستر» مدلی تقدیم اولونوب. ائلون ماسک بو ماشینین تاریخین ان سرعتلی سئرییالی آوتومبیلی اولاجاغینی بیلدیریب. «روادستر» ساعتدا ۱۰۰ کیلومتر سرعتی جمعی ۱.۹ ثانییه‌یه ییغماق گوجونه مالیکدیر. آوتومبیلین سئرییالی ایستحصالینا ۲۰۲۰-جی ایلده باشلانیلاجاق.