بیزنس قورانلارا و آوتومبیل الده ائتمک ایسته‌یه‌نلره بیر توصیه وئرمک ایستردیم کی، یوبانمادان الکتروموبیللری سئچین.

آخار. آذ خبر وئریر کی، بئله بیر تکلیفله حقوق شوناس، یول-نقلیات اکسپرتی ارشاد حسینوو چیخیش ائدیب. حسئینوو بیلدیریب کی، آوتومبیل هوسکارلاریندان و بیزنسمنلردن کیم قاباغا دوشسه، اودموش اولاجاق:

«لاپ یاخین پئرسپکتیوده بوتون دونیادا اونلار پوپولیار اولاجاق. کیم قاباغا دوشسه، اوداجاق. نظره آلین کی، حاضردا اؤلکه‌میزه آوتوم بیل ایدخالی ایله باغلی آکسیز وئرگیسی و گؤمروک روسومو محرریکین ایش حجمی ایله حسابلانیر. الکترومبیل‌ده ایسه داخیلی یانما محرریکی اولمادیغیندان همین وئرگی و روسوملار یوخ درجه‌سینده‌دیر. ساده‌جه اولاراق اونلارا تکنیکی قوللوق اینفراستروکتورو و انرژی تأمیناتینی قورماق، بو نقلیاتی پوپولیارلاش‌دیرماق لازیم‌دیر».

اکسپرت حساب ائدیر کی، هله‌لیک بئله آوتومبیللر باها اولسا دا، اینکیشاف اوجوزلاشمایا دوغرو گئده‌جک:

«بو لابوددور. شخصاً من هله ۹ ایل اؤنجه ایندی ایستیفاده ائتدییم آوتومبیلی آلاندا دوستلارا یاری زارافات دئمیشدیم کی، نؤوبتی آوتومبیلیم، قیسمت اولسا، ائلئکترومبیل اولاجاق. ایندی باخیرام کی، بو گئرچکلییه اوخشاماغا باشلاییب.

نظره آلین کی، اؤلکه‌میزده آوتومبیللشمه سوییه‌سی جمعی ۱۵% جیواریندادیر. پوتنسیال اولاراق بو رقم ۶۰%-ا چاتا بیلر. یعنی اؤلکه‌میزین آوتومبیللشمه‌سی هله قاباقدادیر».