واتساپ یئنی واتساپ بیزنس آدلی تطبیقینی یاییملاییب.

آخار. آذ مطبوعات. آذ-آ ایستینادن خبر وئریر کی، پروگرام فئیسبوک طرفیندن پولسوز اولاراق یوکله‌نمک اوچون تقدیم ائدیلیب. بو تطبیق کیچیک شیرکتلرین پوتئنسیال موشتریلر طرفیندن تانینماسینی آسانلاشدیراجاق. شیرکت صاحبلری اوچون نظرده توتولان بو یئنیلیک واتساپ اوچون بیر شیرکت پروفیلی یارادیب شیرکتین مقصدینی گؤسترمه یینیزه ایجازه وئریر. شیرکت اوچون الکترون پوست عنوانی و اینترنت سایتی "اورل»سی ده علاوه ائده بیلرسینیز.

تطبیقی حاضیرلایارکن زامانینیزا قناعت ائتمک اوچون بعضی فونکسییالار دوشونولوب. بئله کی، سرعتلی جاوابلار سایه‌سینده تئز-تئز وئریله‌ن سواللارا جاواب وئره، مئساژلارینیزین باخیش ایستاتیستیکاسینی گؤره بیلرسینیز.

"واتساپ بیزنس» نورمال ایستیفاده‌چیلره شیرکت حسابی اولاراق گؤرولور. فیرما بو حسابلارا یاخین گله‌جکده "تصدیق ائدیلمیش حساب» خصوصیتینی گتیرمه یی پلانلاییر. ایستیفاده‌چیلر دیگر ایستیفاده‌چیلری انگلله‌یه بیلدیکلری کیمی شیرکتلری ده انگلله‌ییب، ایسپام اولاراق قئید ائده بیلرلر.

"واتساپ بیزنس» حاضردا، "گوگل پلای»ده ایندونزییا، ایتالییا، مئکسیکا، اینگیلتره و آمئریکا اوچون تکلیف ائدیلیر. تطبیقی تورکییه و دیگر اؤلکه‌لر گله‌جک هفته‌لرده یوکله‌یه بیله‌جکلر.