واتساپین قوروجوسو برایان اکتون فیسبوکا اولان مؤوقعینی ایجتیمایته آچیقلاماق قرارینا گلیب.

۲۰۱۴-جو ایلده فیسبوک واتساپ-ی یینا کوما و برایان ائتوندان ۱۶ میلیارد دوللارا آلاراق اونلاری زنگین ائدیب. کوم هله ده مارکین شیرکتینده ایشله‌مه‌یه داوام ائدیر.

ایسپوتنیک خبر وئریر کی، ثروتی ۶،۵ میلیارد دوللار اولان اکتون ایسه اؤتن ایلده‌ن او شیرکتده ایشله‌مکدن ایمتینا ائدیب و اؤزونون فوندونو یارادیب. او ۵۰ میلیون دوللارلا یئنی کمونیکاسییا کریپتوپروتوکولو اولان سیگنالی مالیلپشدیرمه‌یه یؤنلدیب.

ایندیسه اکتون فیسبوکا اولان مؤوقعینی ایجتیماعیته آچیقلاماق قرارینا گلیب.

بیلدییمیز کیمی بو شیرکت اطرافین‌دا قالماقال یاشانیر. صحبت کئمبریج آنالیتیک شیرکتی طرفین‌دن ۵۰ میلیون فیسبوک ایستیفاده‌چی‌سینین معلوماتلارینین غیری-قانونی ایستیفاده‌سیندن گئدیر. فیرما دونالد ترامپین سئچکی کامپانییاسینی اینترنت اوزریندن آپاریب. عینی زامان‌دا بریتانییالی "برکسیت" طرفداری اولان سیاستچیلره سویداشلارینی آوروپا بیرلیین‌دن چیخماق‌دا اینان‌دیرماق مسئله‌سین‌ده دستکله‌ییب. ایندی آیدین اولوب کی، فیسبوک بو باره‌ده معلومات‌لی اولوب، ایکی ایل عرضین‌ده بو قانون پوزونتوسو حاقیندا بیر قرار وئرمه‌ییب.

برایان اکتون بو مسئله‌یه تویترده بئله بیر رئاکسییا وئریب: "آرتیق زامانی گلیب". او بو جمله‌یه "#فیسبووکوسیل" هاشتاقینی علاوه ائدیب.