کانادانین کرال اونیورسیتتینین تدقیقات‌چیلار قروپو پلانشته و سمارتفونا بنزه‌مه‌یه‌ن، لاکین هر ایکی قادجتین فونکسییالاری ایله تجهیز ائدیلمیش «ماگیج سکرول» آدلی اوریژینال قورغو حاضرلاییب.

آذرتاج خبر وئریر کی، ایستحصال‌چیلارین سؤزلرینه گؤره، اونلاری الاستیک سنسور اکرانا مالیک قادجتین یارادیلماسینا قدیم مصر پاپیروس باغلامالاری (لوله حالیندا بوکولموش کاغیذلار) ایلهاملاندیریب. ۳د-چاپین کمکی ایله حاضیرلانمیش یئنی قورغونون اکرانین‌دا دییشمه‌لر قادجتین کنارلاریندا یئرلشدیریلمیش تکرلری دؤندرمکله حیاتا کئچیریلیر.

علاوه معلومات طلب اولوندوقدا ایستیفاده‌چی گؤرونوش ساحه‌سینین فورماتینین گئنیشله‌نمه‌سی اوچون اکرانی کورپوسدان آییرا بیلر. الاستیک اکران ۲ک تصویر اؤلچوسونه مالیکدیر.

قادجتین غیری-عادی سیلیندریک فورماسی آرتیق بیر سیرا اوستونلوکلرینی گؤستریب. مثلاً، «ماگیج سکرول» الده و جیب‌ده ساخلاماق اوچون «آی پد»دن داها راحت‌دیر. قورغو اونو ژستلرین کمکی ایله ایداره ائتمه‌یه ایمکان وئرن کامرا ایله تجهیز اولونوب.