آخار. آذ خبر وئریر کی، چینین رنگلی اکرانلارین ایستحصالی و تدقیقاتلاری ساحه‌سینده لیدر شیرکتلریندن بیری اولان روویو تکنولوژی دونیانین ایلک اییله بیلن سمارتفون مودئلینی تقدیم ائدیب. او، ایسته‌نیله‌ن آن اییله‌رک سمارتفون فورماسینی آلان بؤیوک اکرانا صاحبدیر.

آچیق شکیلده فلکس پای ۷.۸ اینچ اکرانا صاحب اولور و دیزاین باخیمیندان پلانشتی خاطیرلادیر. بو جور فورماتدا اونون واسطه‌سیله اویونلار اویناماق، ویدئولار ایزله‌مک و یا الکترون کیتاب اوخوماق چوخ راحت اولور.

اییلمیش وضعیتده ایسه او، ۴ اینچ اکرانا صاحب اولور و عادی سمارتفونو خاطیرلادیر. قید ائتمک لازیمدیر کی، اییله بیلن اکران قالین چرچیوه‌لر ایله احاطه اولونوب.

«فلکس پای سناپدراگون ۸۰۰» سئرییاسینین بیلینمه‌یه‌ن پروسئسسورو، ۶/۸ گب رام، ۱۲۸/۲۵۶/۵۱۲ گب داخی‌لی یاداشت و ۱۶ ام پی + ۲۰ ام پی ایکیلی کامئرا ایله تجهیز اولونوب. بونونلا یاناشی سمارتفون سرعتلی انرژی ییغما تکنولوگییاسینی دا دستکلییر و اونون سایه‌سینده ۱ ساعت عرضین‌ده ۸۰% انرژی ییغا بیلیر.

قید ائدک کی، دونیانین ایلک اییله بیله‌ن سمارتفون مودلی «فلکس پای» بو گوندن اعتباراً چین‌ده محدود سایدا ساتیشا چیخاجاق. ۶ گیگا بایت رام و ۱۲۸ گیگا بایت داخیلی یادداشا صاحب وئرسییا ۱۲۹۰ دلار، ۸ گیگا بایت رام و ۲۵۶ گیگا بایت داخیلی یادداشا صاحب وئرسییا ۱۴۳۳ دلار، ۸ گیگا بایت رام و ۵۱۲ گیگا بایت داخیلی یادداشا صاحب وئرسییا ایسه ۱۸۶۴ دلار قیمتینه ساتیلاجاق.