آوسترالییادا مولکی آویاسییا تهلوکه‌سیزلیگی تشکیلاتی «اوچان تاکسی» خیدمتلرینین "اوبئر" کیمی بین الخالق شیرکتلر طرفین‌دن اؤلکه‌لرینه گتیریلمه پلانلارینین اولدوغونو و ۵ ایل ایچین‌ده حیاتا کئچیریله بیلجیینی آچیقلاییب.

Axar.az خبر وئریر کی، آوسترالییانین هاوا مکانینی نظارت‌ده ساخلایان بو تشکیلات، بؤیوک شهرلرده و ایش مرکزلرینین اولدوغو بؤلگه‌لرده «اوچان تاکسی» لاییحه‌سینین حیاتا کئچیریلمه‌سینه باشلانیلاجاغینی آچیقلاییب.

میلیونلارلا دوللار دیرینده اولان بو لاییحه‌نی حیاتا کئچیرمه‌یه حاضر اولان مولکی آویاسییا تهلوکه‌سیزلیگی تشکیلاتینین سؤزچوسو پئتئر گیبسون بیلدیریب کی، لاییحه دونیادا بیر ایلک‌دیر.

گیبسون بیلدیریب کی، "اوبر" شیرکتی لاییحه‌نین حیاتا کئچیریلمه‌سی اوچون آرتیق تشکیلاتا مراجعت ائدیب: «شیرکت آرتیق قوروموموزا مراجعت ائدیب و ایر‌لی سوردویوموز شرطلرین اکثریتی ایله رازیلاشیب».

«اوچان تاکسی» لاییحه‌سینین ماراقلی طرفی ایسه اونون اوجوز باشا گلمه‌سینده‌دیر. عینیله هلیکوپتر کیرایه‌سینده اولدوغو کیمی آپاریلان پروسس، موشتریلره داها اویغون قیمتلرله خیدمت گؤسترمه‌یه ایمکان یاراداجاق.

بئله کی، نقلیات ایدارئتمه سیستمی طرفین‌دن نظارت‌ده ساخلانیلان الکتریکلی طیاره‌لر ایستحصال ائدیله‌جک و موشتریلر بو طیاره‌لر سایه‌سینده آلدیقلاری خیدمت اوچون هلیکوپتر کیرایه‌سینه وئردیکلری پولون یاریسی قدر پول اؤد‌یه‌جکلر.

شیرکت رسمیسی "اوبر" طرفین‌دن حیاتا کئچیریله‌جک لاییحه‌ده الکتریکلی طیاره‌لر اوچون آیریجا پیلوتلارین اولاجاغینی و تهلوکه‌لی مقاملاردا کناردان موداخیله ائدیله بیلجیینی ده دئییب.

بوندان باشقا قید ائدک کی، آرتیق بین الخالق شیرکت اولان "اوبئر"ی آلتئرناتیو اولاجاق داها بیر شیرکتین یارادیلماسی اوچون ناسا ایله آنلاشما ایمضالانیب.