صاباح آذربایجانلا ایران آراسین‌دا، حاجی قابول صنایع محله‌سینده «سکانیا» مارکالی آوتوبوسلار ایستحصال ائد‌جک بیرگه موسسه‌نین یارادیلماسینا دایر موقاویله ایمضالاناجاق.

رئپورت خبر وئریر کی، بو باره‌ده اقتصادیات ناظری شاهین مصتافایئو باکی‌دا کئچیریلن آذربایجان-ایران بیزنس-فورومون‌دا معلومات وئریب.

ناظر ایکی اؤلکه آراسین‌دا اقتصادی موناسیبتلرین یوکسک سوییه‌ده اولدوغونو دا دئییب:

«۲۰۱۸-جی ایلده آذربایجانلا ایران آراسین‌دا تیجارت دؤورییه‌سی ۲۰۱۷-جی ایلله موقایی‌سه‌ده ۷۴% آرتیب. بو، علاقه‌لریمیزین یوکسک سوییه‌ده اولدوغونو گؤستریر. نقلیات، صنایع، کند تصروفاتی، توریزم، ترانزیت داشیمالاری ساحه‌سین‌ده علاقه‌لریمیز گئنیشدیر و امکداشلیغیمیز رگیونال اهمیته مالیکدیر. او جمله‌دن شیمال-جنوب نقلیات دهلیزی علاقه‌لریمیزده موهوم اهمیت کسب ائدیر. کئچن ایل بو دهلیزله یوک داشیمالاری ۱۰ دفعه‌دن چوخ آرتیب. گلن ایلین سونونا قدر باکی‌دان ایرانلا سرحده قدر اولدوغو کیمی، روسییا ایله سرحده قدر ده یئنی آوتومبیل یولو ایستیفاده‌یه وئریله‌جک. ایران صاحیبکارلاری یوکسک سوییه‌لی اینفراستروکتوردان ایستیفاده ائدیب یوکلرینی داشییا بیله‌جکلر".