فیسبوک آدمینیستراسییاسی داها چوخ کومونیکاسییا مخفیلیینه نایل اولماق اوچون سایتین و مبیل ورسییاسینین دیزاینینی یئنی‌لیه‌جک.

Axar.az خبر وئریر کی، بو باره‌ده سؤزوگئدن سوسیال شبکه‌نین قوروجوسو مارک زوکربرگ کالیفورنییادا «اف۸ دوئلوپرس» کنفراسیندا چیخیشی زامانی دئییب.

«یومشاق دئسک، بیزیم ایندی مخفیلیین تأمیناتی باغلی مثبت رپوتاسییامیز یوخدور. اما بونو دوزلتمه‌یه و مسئوللاریمیز اوچون یئنی بیر صحیفه آچماغا بورجلویام»، - دئیه زوکربرگ بیلدیریب.

بئله کی، یئنی‌لیکده فیسبوک داها چوخ «قروپلار» و «حادثه‌لر» بؤلمه‌سینی اؤن پلانا چیخاراجاق و عموماً سایت داها ساده وئرسییایا کئچه‌جک.

اساس مقاملاردان بیری ده فیسبوک بوتونونون رنگی ایله باغلیدیر.

آرتیق بوندان سونرا فیسبوک توند گؤی رنگده دئییل، نیسبتا آچیق چالاردا اولاجاق.

قید ائدیلیر کی، سمارتفونلار یئنیلنمیش وئرسییایا یاخین گونلرده کئچه‌جک. سایت ایسه بیر قدر سونرا یئنیلنه‌جک.