دونیاداکی ان پوپولیار میکرو-بلوگ شبکه‌سی اولان "توییتر" ایستیفاده‌چیلره قارشیلاشدیقلاری معلوماتلار باره‌ده فیکیرلرینی و حسلرینی داها دقیق ایفاده ائتمک اوچون "رئتویت"فونکسییاسینا یئنی‌لیک گتیریب.

آخار. آذ بیلدیریر کی، "توییتر" "رئتویت" ائدیله‌ن معلوماتلارین مزمونونا فوتو، ویدئو و یا گیف علاوه ائتمه‌یه ایمکان وئره‌ن یئنی خصوصیت علاوه ائدیب. سؤزو گئدن اؤزللیک ماسا اوستو و مبیل تطبیقلرده ده مؤوجوددور. اگر یئنی فونکسییانی هله ده گؤرممیسینیزسه تطبیقینیزی و براوزئرینیزی گونجللشدیرمیینیز کیفایت‌دیر.

"رئتویت" فونکسییاسین‌دان ایستیفاده زامانی مئدیا فایل علاوه ائتمک اوچون یئنی بیر "تویت" یارادارکه‌ن ایستیفاده ائتدیینیز واسطه‌لردن ده یارارلانا بیلرسینیز. ایلک اولاراق ایستدیینیز "تویت"این آشاغی‌سین‌داکی "رئتویت" دویمه‌سینه توخونون. داها سونرا "شرحله بیرگه Retweet" فونکسییاسینی آکتیولشدیرین. آچیلان پنجره‌نین آلت طرفین‌ده یئر آلان مئدیا فایللاری ایستیفاده ائد‌رک "رئتویت"اینیزه علاوه ائدین.

قید اولونان اؤزللیین تطبیق اولونماسی دویغو و دوشونجه‌لرین داها یاخشی ایفاده ائدیلمه‌سی باخیم‌دان ماراقلا قارشیلانسا دا، دیزاین بیر او قدر ده موکممل حساب اولونمور. بئله کی، "رئتویت" مئدیا علاوه ائدیله‌ن اوریژینال "تویت" کیچیک بیر پنجره‌ده ساخلانیلیر. علاوه ائتدیینیز مئدیا ایسه تام اؤلچوده گؤستریلیر. بونا گؤره ده ایزلییجیلر اوریژینال "تویت"این کیچیک بیر حیصه‌سینی گؤرور و نتیجه‌ده تمامیله سیزین پایلاشدیغینیز مزمونا فوکوس‌لانیرلار.