آمریکا پرزیدنتی دونالد ترامپین «هواوی»له آمریکا شیرکتلرینین امکداشلیغینی قاداغان ائتمه‌سینین آردیندان قوقلون دا بو مارکالی تلفنلارین «آندروید» سیستمی ایله تأمیناتینی دایاندیرماسی اونسوز دا کئیفیتسیز اولان بو تلفنلارین ساتیشینی تمامیله اؤلدوروب.

آخار. آذ خبر وئریر کی، چین ایستحصالی اولان «هواوی» تلفنلارینین هله‌لیک گوگل-پلی، خریطه، الکترون پست، یوتوب گیریشی اولسا دا، بو موقتی‌دیر. بیر مدت سونرا هئچ بیر ایستیفاده‌یه یارامایاجاق بو «عقل‌لی» تلفنلاری هئچ متخصصلر ده آلماغی مصلحت گؤرمور.

ایلک نؤوبه‌ده چین ایستحصالی اولدوغو اوچون هئچ بیر شکیل‌ده آلینماسی مصلحت گؤرولمه‌یه‌ن و دستکله‌نمه‌یه‌ن بو تلفنلارین بیر مدت مشهورلاشماسی دا تام تصادفی ایدی. بیر مدت اؤنجه آلیجیلیق قابیلیتی یوکسک اولان «هواوی»لرین قیمتی حددن آرتیق شیشیردیلمیشدی. حتی دونیانین ان باهالی تلفن مارکاسی حساب اولونان «اپل» شیرکتینه مخصوص سون مدل آیفونلاردان بئله یوکسک قیمته تقدیم ائدیلیردی. بو گون ایسه «هواوی» تلفنلارینین ساتیشینی حیاتا کئچیرن ماغازالار سؤزوگئدن تلفنلاری دیر-دیمزینه ساتیرلار.

گوگللا یاناشی، «اینتل»، «قوالکوم»، «ایکسیلینکس»، «بروادکوم»، «پاناسونیک»، «مایکروسوفت»، «وودافون» مبیل اوپراتورونون بریتانییا بؤلمه‌سی، یاپونییانین مبیل رابطه کورپوراسییالاری «سوفتبانک»، کددی، ان تی تی، «آمازون» شیرکتینین یاپونییا بؤلمه‌سی و آرم کیمی شیرکتلرین «هواوی»له امکداشلیغی دایاندیرماسی سؤزوگئدن شیرکتین محصوللارینین دیر ایتیرمه‌سینه سبب اولوب.
آمریکا دؤولت کاتیبی مایک پومپئونون سؤزوگئدن شیرکتین ایستیفاده‌چیلرینین شخصی معلوماتلارینی حاکمیته اؤتورمه‌سی ایله باغلی دئدیکلری ده حاقلی اولاراق هئچ کسین بو تلفنلارا اعتبار ائتمه‌مه‌سینه گتیریب.

هر کسه معلومدور کی، فیسبوک شیرکتی اؤزونون اینستاگرام و واتساپ علاوه‌لرینی «هواوی» سمارتفونلارینا یوکلمیی آرتیق قاداغان ائدیب. بوتون دونیا اهالی‌سینین سوسیال شبکه ایستیفاده‌چی‌سی اولدوغونو نظره آلساق، دئیه بیلریک کی، «هواوی» تلفنلاری آرتیق هئچ بیر ایستیفاده‌چی اوچون آرزو ائدیله‌ن دئییل. چونکی بیر مدت سونرا گوگل-پلی، خریطه، الکترون پوست، یوتوبا گیریشی اولمایاجاق، فیسبوک، اینستاگرام و واتساپ کیمی سوسیال شبکه‌لردن ایستیفادنین مومکون اولمایاجاغی تلفن معاصر دونیا اینسانی اوچون اهمیت‌سیزدیر. همچینین نظره آلماق لازیم‌دیر کی، سؤزوگئ‌دن «کیفیتلره» صاحب «عقل‌لی» تلفن «کیتایسکیدیر».