ایلکلر شهری تبریزده اؤلکه‌نین ایلک روبوت مکتبی فعالیته باشلاییب.

آذنیوز. تی وی خبر وئریر کی، آچیلیش مراسیمی آزاد اونیورسیته‌تی‌نین تدقیقات و لابوراتورییا مودیری بابک نگهداری‌نین توسوتو ایله باش توتوب.

آچیلیش مراسیمین‌ده تبریزین سما و آزاد اونیورسیته‌تی‌نین مسئوللاری، ایمام-جومعه‌سی، شرقی آذربایجانین خبرگان مجلیسی نماینده‌سی، ایالتین والیسی ایشتیراک ائدیب.

مراسیم‌ده چیخیش ائد‌ن سما عالی مدره‌سه‌سی‌نین نظارت‌چی شوراسی‌نین کاتیبی محمد نریمانی دئییب:

«فرق‌لی روبوتلار دیزاین ائدیب، حاضیرلانیلماسی، اوچان روبوتلارین دیزاینی، تستی و عرصه‌یه گلمه‌سی سما عالی مدره‌سه‌سین‌ده کومپوتر و پروقرام تأمیناتی بؤلمه‌سین‌ده تحصیل آلمیش ۷ طلبه‌نین امکداش‌لیغی ایله باش توتوب».

نریمانی کامئرا قوراشدیریلما قابیلیت‌لی اوچان روبوتلا باغلی فیکیرلرین‌دن دانیشارکن تاپشیریقلاری دقیق یئرینه یئتیرمه‌سی، مورککب مانعه‌لری کئچمه‌سی، ۳ کیلوقرام آغیرلیغا قدر اولان اشیالاری داشییا بیلمه‌سی، یوکسک تارازلیق ساخلاماسی و دیگر اوستونلوکلرینی وورغولاییب.

قید ائدک کی، تبریزین سما روبوتوتیک عالی مکتبی تمرکوزو، چئشیدلی هومانوید روبوتلار، اوچان روبوت، ائو روبوتو و یانغین‌سؤندوره‌ن روبوتلارین دیزاینی، ایستحصالی اوزره تعلیملره، میللی و بین الخالق یاریشلاردا ایشتیراک ائتمه‌یه یؤنلیب.