نیویورکا گئدن اؤلکه پرزیدنتی مسعود پزشکیان حبس اولونا بیلر و بونا گؤره نیگرانیق.

Axar.az خبر وئریر کی، بونو ایران پارلامنتینین عضوو قاسم روانبخش دئییب.

"بیز بیر نئچه آی اول لیدریمیزی حیاسیزجاسینا شهید ائد‌ن و ونزوئلا پرزیدنتینی قاچیران آمریکا ایله محاربه وضعیتینده‌ییک و پزشکیانی حبس ائتمک اونلار اوچون پروبلئم دئییل. آنجاق بو بیزیم اوچون مغلوبیت‌دیر"،- او علاوه ائدیب.

دونالد ترامپین پزشکیانلا گؤروشمه‌یه حاضر اولماسی ایله باغلی آچیقلامالارینا توخونان روانبخش، آمریکا پرزیدنتی‌نین گؤروشو لغو ائتمه‌سی و یا شرطلر ایر‌لی سورمه‌سی احتیمالینا توخونوب:

"ترامپ پزشکیانلا گؤروشمه‌یه حاضر اولدوغونو آچیقلاییب، آنجاق او بیزی آلداتماسی و سون آندا گؤروشو لغو ائتمه‌سی ممکن‌دور، بونون باش وئرجه‌یی حال‌دا و یا بو گؤروش اوچون شرطلر ایر‌لی سوره‌مه‌سی تقدیرده ایرانین نفوذونا خلل گتیرمیش اولاجاق".

روانبخش پزشکیانین ترامپلا گؤروشمه احتمالینی تنقید ائدیب و وورغولاییب:

"گؤروش باش توتسا بئله، رهبرین و مینلرله ایرانلینین قاتلی ایله گؤروشمه‌یین نه فایداسی وار؟".