روسیا پرزیدنتی ولادیمیر پوتینین یاخین دوستو میخایل کووالچوکون رهبرلیک ائتدیی کورچاتوو اینستیتوتون‌دا یاش‌لی میمونلارین اونیکال کولکسیاسی یارادیلیب. عالیملر اونلارین کمکی ایله انسان عمرونون اوزادیلماسی یوللارینی تاپماغا امید ائدیرلر.

Axar.az خبر وئریر کی، کووالچوک بو تدقیقاتلار باره‌ده مسکوادا کئچیریلن کورچاتوو گئنوم فورومو چرچیوه‌سینده دانیشیب.

«اینستیتوتون لابوراتوریالارین‌دا ۲۲ نوع‌دن اولان ۷۰۰۰-دن چوخ پریمات ساخلانیلیر. یاشلانمانین بوتون مرحله‌لرینی ایزله‌مک اوچون یاشلی میمونلار اوزرینده آنالیزلر آپاریریق. یاشی ۱۸-دن و ۳۰-دان چوخ اولان فردلری قیمتلندیریریک. هرطرف‌لی معاینه‌لر کئچیریریک: بیوکیمیوی و ایستروکتور آنالیزلر آپاریر، دامارلاری، بئیینی – هر شئیی تدقیق ائدیریک. پریماتلار بیزه ان یاخین نمونه‌دیر. بو، عمرون اوزادیلماسینی تنظیمله‌یه‌ن سیستمین یارادیلماسی اوچون اساس‌دیر»، - او بیلدیریب.

روسیا مئدیاسینین معلوماتینا گؤره، کورچاتوو اینستیتوتو روسیا علمی جراحیه مرکزی ایله بیرگه اوزون عمرلو میمونلارین قان نمونه‌لریندن عبارت بیوبانک یارادیب.

مرکزین دیرکتورو کونستانتین کوتنکو بیلدیریب کی، نمونه‌لر یاشلانما پروسسلرینین اؤیرنیلمه‌سی اوچون استفاده اولوناجاق.

قید ائدک کی، روسیا حکومتینین یاشلانما ایله مبارزه مقصدیله بیوپرینت، کسنوترانسپلانتاسییا و گئن تراپییاسینی احاطه ائد‌ن ۲۶ میلیارد دلارلیق پروگرام مالیه‌لشدیردیی باره‌ده معلومات یاییلمیشدی. پروگراما پوتینین ایکی یاخین آدامی - قیزی ماریا وورونتسووا و کورچاتوو اینستیتوتونون رهبری میخایل کووالچوکون رهبرلیک ائتدیی بیلدیریلمیشدی.