فران‌سانین «جیترون» آوتوموبیل شیرکتی «آمی» مودئلینین کوتلوی بوراخیلیشینی آنونس ائدیب.

آخار. آز خبر وئریر کی، ماشینی آیدا ۲۰ آورولوق لیزینقله الده ائتمک مومکون‌دور.

معلوماتا گؤره، ائلئکتروموبیلین تام قیمتی ۶ ۰۰۰ آورودور. آنجاق بونونلا بئله، لیزینقین رسمیلشدیریلمه‌سی زامانی ۲ ۶۴۴ آورو ایلکین اؤدنیش ائتمک لازیم‌دیر.

ماراق‌لی‌دیر کی، «آمی»نی یالنیز اونلاین آلماق مومکون اولاجاق. ائلئکتروموبیل دیگر سیفاریش ائدیلمیش محصوللار کیمی قاپییادک چات‌دیریلاجاق.

«آمی»نین بیر باشقا خصوصیتی ایسه اونون «یونگول کوادروسیکل» اولاراق قئیدیاتا آلینماسی‌دیر. بو او دئمک‌دیر کی، فران‌سادا «جیترون»این بو مودئلینی ۱۴ یاش‌دان باشلایاراق سورمک اولار.

«آمی»نین باتارئیاسی ایله بیرگه ۴۸۵ کق چکی‌سی وار. اوزون‌لوغو ۲،۴ مئتر، ائنی ۱،۴ مئتر، هوندورلویو ایسه ۱،۵ مئتردیر. «جیترون» ساعت‌دا ۴۵ کم-دک سرعت ییغا بیلیر. ائلئکتروموبیل تام باتارئیاسی ایله ۷۰ کم مسافه گئده بیلر. «آمی» عادی تاخیج یوواسین‌دان ۳ ساعتا ائنئرژی توپلایا بیلر.

فران‌سادا بو مودئلین سیفاریشی مارتین ۳۰-دان باشلایاجاق. ایکی آی سونرا «آمی»نی ایسپانییا، ایتالییا، بئلچیکا، پورتوقالییا و آلمانییا ساکینلری ده الده ائده بیله‌جک.