آذربایجان بانکلاری مرکزی آسیا و جنوبی قافقاز اؤلکه‌لری آراسیندا گئوسیاسی ریسکلره ان آز معروض قالان بانکلاردیر.

Axar.az خبر وئریر کی، بو باره‌ده «مودیس»این سون حساباتیندا قید اولونوب.

ریتینگ آگنتلیینین معلوماتینا گؤره، بو، آذربایجانین روسیا ایله محدود اقتصادی و مالیه علاقه‌لرینین اولماسی، نفت قیمتلرینین یوکسلمه‌سی نتیجه‌سینده کاربوهیدروگن گلیرلرینین تامین ائتدیی دایانیقلیق، ائلجه ده ماناتین آمریکا دوللارینا باغلیلیغینین تامین ائتدیی ثابتلیکله علاقه‌داردیر.

عمومی‌لیکده، «مودیس» قید ائدیر کی، مرکزی آسیا و قافقاز اقتصادیاتلاری گئوسیاسی حادثه‌لرین یاراتدیغی دولایی ریسکلره اینفلیاسییا واسطه‌سیله معروض قالیر. بئله کی، انرژی داشییجیلارینین، ارزاغین و دیگر رسورسلارین باهالاشماسی پول-کرئدیت سیاستینین یومشالدیلماسینی گئجیکدیره، فایز درجه‌لرینی و بورجلانما خرجلرینی یوکسک سوییه‌ده ساخلایا بیلر.

«مودیس» حساب ائدیر کی، رگیونال گئوسییاسی ریسکلرین آرتماسی و یا گلوبال اقتصادیاتین اهمیتلی درجه‌ده ضعیفله‌مه‌سی شرایطینده مرکزی آسیا و قافقاز اؤلکه‌لرین‌دن کاپیتال آخینی ملی والیوتالاری ضعیفله‌ده بیلر. حاضردا بئله بیر سناری گؤزله‌نیلمیر.

«بو، اینفلیاسییانی گوجله‌ندیرجک و مرکزی آسیا و قافقاز اؤلکه‌لرینده اهمیتلی والیوتا ریسکلرینه مالک بانکلارین بورج یوکونو آرتیراجاق. آذربایجان بانکلاری بو ریسکه ان آز معروض قالان بانکلاردیر. چونکی مانات فاکتیکی اولاراق آمریکا دلارینا باغلیدیر و بو دا اقتصادیاتی و بانک سیستمینی مزننه دییشکنلییندن قوروماغا کمک ائدیر»، - دئیه حسابات‌دا بیلدیریلیر.

آذربایجان ماناتینی گلن ایل نه گؤزله‌ییر؟ ریسکلر وارمی و دئوالواسیا احتمالی نه درجه‌ده‌دیر؟

موضوع ایله باغلی اقتصادچی رشاد حسنوو بیلدیریب کی، هم آذربایجان اقتصادیاتی، هم ده ماناتین مزننه‌سی اوچون ان چتین دؤورلردن بیری ۲۰۲۶-جی ایلدیر:

«آمریکا حکومتینین حیاتا کئچیردیی سیاست، عینی زمان‌دا آمریکا-ایران-اسرائیل کنفلیکتینین یاراتدیغی کونیوکتور چوخ جدی ریسکلر فورمالاشدیردی. بو، گؤزلنیلمز ریسکلره گلوبال اقتصادیاتین وئردیی رئاکسیا ان مهم پروبلملردن بیرینه چئوریلدی. لاکن بو دؤور عرضینده هم گلوبال اقتصادیاتین اویونچولاری، هم ده آذربایجان معین قدر مقاومت الده ائدیر و یارانمیش شرایطه اویغون اولاراق، اؤز آداپتاسییا گئدیر، عینی زمان‌دا معین قدر مؤقعلر فورمالاشدیریلی. ۲۰۲۷-جی ایل اوچون ان جدی ریسک آمریکا-ایران-اسرائیل کنفلیکتی ایله باغلی اسکالاسییانین یارانماسی و آذربایجانین سیاسی طرفه چئوریلمه‌سی کیمی تاثیرائدیجی عاملی اولا بیلر، اما بو احتمال داها آشاغیدیر. آذربایجان حکومتینین بو گونه قدر وئردیی مساژلار، تصدیقلنه‌ن سندلر، دولت پروگراملاری و سایر آیدین گؤرونه‌ن اودور کی، مزه‌ننه ایله باغلی مووافیق ایستاتوس-کوونو داوام ائتدیرمه‌یه چالیشیر. ماناتین مزه‌ننه‌سینی ان آزی ۲۰۳۰-جو ایله قدر دییشمه‌دن داوام ائتدیرمه‌یه چالیشاجاق. کاپیتال آخینی اینوستیسیانین گئری چکیلمه‌سی کیمی نظردن کئچیریلیرسه، آذربایجانین، نه قدر تضادلی اولسا دا، اوستونلویو وار، چونکی آذربایجان اقتصادیاتی، خصوصیله غیر-نفت اقتصادیاتی اینوستیسیا جلب ائتمکده ضعیف اولدوغو اوچون داها آز ریسکله اوزلشمیش اولاجاق. اؤلکه‌دن خارجی اینوستیسیانین آخینی ایله باغلی ایسه مختلف یوللارلا محدودیت تطبیق ائدیلمکده‌دیر. بو دا اقتصادیاتا و ماناتین مزننه‌سینه ریسک یاراداجاغی تقدیرده مداخله امکانینین اولدوغو قناعتینده‌یه‌م. ۲۰۲۷-جی ایلده ماناتین مزننه‌سینین ثابت ساخلاناجاغینی پروگنوزلاشدیرماق اولار».