پرفورمانسیمیز اورکاچان اولمادی، داها یاخشی اولمالی ایدیک.

Axar.az خبر وئریر کی، بونو بلچیکا میللی‌سینین باش مشق‌چی‌سی دومنیکو تدسکو باکی‌دا آذربایجان میللی‌سینه ۱:۰ حسابی ایله غالیب گلدیکلری آورو-۲۰۲۴-اون سئچمه مرحله اویونوندان سونرا مطبوعات کنفرانسین‌دا دئییب.

ایتالییالی متخصص «دالغا آرئنا»دا باش توتان قارشیلاشمانین آردین‌دان کومانداسینین چیخیشینی دیرلندیریب:

«۳ خال قازاندیغیمیز اوچون خوشبشتیک. بو کیمی اویونلاردا ایکینجی قولو ووروب، اویونو «اؤلدورمک» لازیم‌دیر. ایکینجی توپو ووردوقدان سونرا رقیبین اومیدلری اؤلور».

گنج چالیشدیریجی آذربایجان میللی‌سی باره‌ده خوش سؤزلر ایشلدیب: «چوخ آداما ائله گلیردی کی، راحت اولاجاق. مئیدانچا دا یاخشی وضعیت‌ده دئییلدی. رقیب ده فوتبول اویناییردی، شانسلار یارادیردی. بیر نئچه اپیزوددا چتینلیک چکدیک. رنات داداشووون باشلا ضربه‌سین قاپیچیمیز چتینلیک چکدی. بئله ماتچلاردا غلبه قازانماق واجیبدیر».