تورکیه‌ده کئچیریله‌ن سورغودا رسپوندنتلرین ۵۶،۵ فایزینین آذربایجانی تورکیه‌نین دوستو حساب ائتمه‌سینه باخمایاراق، ۲۴،۹ فایزین آذربایجانی دشمن اؤلکه کیمی قیمتله‌ندیرمه‌سی دوشوندوروجودور. بو وضعیت آنجاق دشمنلریمیزین ماراقلارینا خدمت ائدیر.

Axar.az خبر وئریر کی، بو سؤزلری پولیتولوق ائلخان شاهین‌اوغلو بیلدیریب.

«سوسیال شبکه‌لرده افراتا وارماقدانسا، بیر-بیریمیزی داها یاخشی آنلاماق باخیمیندان فکر آیریلیغی یارادان موضوعلارین آچیق و قاپالی توپلانتیلاردا مذاکره‌سینه احتیاج وار. بو حاقدا هر ایکی اؤلکه‌نین رسمیلری، دیپلماتلاری و اجتماعی خادیملری دوشونمه‌لیدیرلر»، - او بیلدیریب.

قید ائدک کی، اسرائیل باش ناظیری بنیامین نتانیاهو بیرلشمیش ملتلر تشکیلاتی باش آسامبلیاسیندا چیخیش ائدرکه‌ن آذربایجان نماینده‌سینین زالی ترک ائتمه‌مه‌سی تورکیه سوسیال شبکه‌لرینده اؤلکه‌میزه قارشی بعضی کامپانیالارین آپاریلماسیندا بهانه‌یه چئوریلیب.