ایرانین ارمنستانداکی سفیری خلیل شیرغلامی منتقسیز آچیقلامالارینا بیرینی ده علاوه ائدیب. ایرانلی دیپلماتین سؤزلرینه گؤره، بؤلگه‌ده ثابتلییه و داواملی صلحه نایل اولماق اوچون ارمنستان و آذربایجان آراسیندا رئال گوج بالانسی تامین ائدیلمه‌لیدیر. «بو، اولدوقجا واجبدیر» دئیه‌ن شیرغلامی بیلدیریب کی، ایران رگیوندا «یئنی گوج بالانسی»نین یارادیلماسینا چالیشیر و بو، «اوزون‌مدتلی صلحون یگانه رئال تأمیناتی»دیر. اونون ادعاسینا گؤره، بو «بالانس» اولمادان وضعیت کؤورک اولاراق قالاجاق، رگیون‌دا صلحون تامین ائدیلمه‌سی اوچون یالنیز ایستک کفایت ائتمیر. ایران سفیری موضونو بو جمله ایله یکونلاشدیریب: «بؤلگه‌ده گئوسییاسی دییشیکلیک قبول‌ائدیلمزدیر. بو، ایرانین فوندامنتال مؤوقعییدیر. استاتوس-کوو مطلق قورونمالی‌دیر».

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

«استاتوس-کوونو یارادان و قورویان آذربایجاندیر. ایرانلی دیپلماتین «منتیقینه» گؤره ایسه آذربایجان ارمنستاندان گوجلو اولمامالی و یا ترسینه، ارمنستان آذربایجان قدر گوجلو اولمالیدیر.

بیرینجی‌سی، ایکی اؤلکه آراسیندا اهالی نسبتینی دییشمک ممکون دئییل.

ایکینجی‌سی، تهران ایسته‌ییر دئیه، آذربایجان حربی بودجه‌سینی آزالدیب ارمنیستانینکی قدر ائده بیلمز.

سفیرین باشقا بیر «منتیقینه» گؤره، آذربایجانلا ارمنستان آراسیندا «گوج بالانسینی» قورویا بیله‌جک اؤلکه ایراندیر.

ایرانین ارمنستانداکی سفیری هر دفعه استاتوسونو و حدینی آشان آچیقلامالار وئریر. او، بو آچیقلامالاری یا اؤزباشینا وئریر، یا دا خارجی ایشلر ناظیرلییندن آلدیغی تعلیماتی حیاتا کئچیریر. هر ندیرسه، سفیرین بو آچیقلامالاری ایران – آذربایجان مناسبتلرینه علاوه گرگینلیک یارادیر»، - پولیتولوق وورغولاییب.