اوکراینا گئنیش‌مقیاس‌لی مداخیله‌دن قورخویا دوشن آلمان حربی دایره‌لری هله ۲۰۲۴-جو ایلده روسیه‌نین شرقی اروپایا نوبتی ممکن هجومونا قارشی ۱۰۰۰ صحیفه‌لیک فعالیت پلانی حاضرلاییب.

Axar.az خبر وئریر کی، بو باره‌ده "نیو یورک تایمز"قزئتی معلومات یاییب.

نشر قید ائدیب کی، آلمانین ۱۶ فدرال ایالتینین یوکسک وظیفه‌لی شخصلری غیری-رسمی اولاراق "اوپلان" آدلاندیریلان بو مخفی سنده گیریش حقوقو وئریلن آزسایلی حکومت مأمورلاری آراسیندادیر.

بیلدیریلیر کی، کانسلر فریدریخ مرتسین رهبرلیک ائتدیی آلمان فدرال حکومتی حاضردا بو گیریش حقوقونو محدودلاشدیرماغا حاضیرلاشیر. بئله کی، بو، ساکسونییا-آنهالت ایالتینده سئچکیلرده غالب گلن، مسکویا سیمپاتییاسی ایله سئچیلن افراط ساغچی "آلمان اوچون آلترناتیو" پارتییاسینین پلانا چیخیشینین قارشی‌سینی آلماق اوچون ائدیلیر.

مقاله‌ده ایضاح اولونور کی، "آلمان اوچون آلترناتیو" بو پاییز ساکسونییا-آنهالت‌دا حاکمیتی اله کئچیرمک اوچون کوالیسییا حکومتی یاراتماغا چالیشیر.

مذاکیره‌لرله تانیش اولان اوچ یوکسک وظیفه‌لی مأمورون سؤزلرینه گؤره، حربی لیدرلر ساغ‌چیلارین اوغورلو اولاجاغی تقدیرده پلانی روسیه‌یه سیزدیرا بیلجه‌ییندن قورخورلار.