"ایسپیس‌ایکس" شیرکتینین یاراتدیغی "استارلینک" پیک رابطه شبکه‌سینین حربی وئرسییاسی اولان "استارشیلد" ترمیناللاریندا سرعت محدودیتینین تطبیقی نوبتی پیس خبردیر. بو محدودیت آمریکا پرزیدنتی دونالد ترامپ آدمینیستراسییاسینین روسییانین اشغالی آلتیندا اولان اوکراین اراضیلرینه مناسبتینین دییشدیینه اشاره ائده بیلر.

Axar.az خبر وئریر کی، بو سؤزلری اوکراینا پرزیدنتی ولادیمیر زلنسکی دئییب.

"ایشین تأسف دوغوران طرفی اودور کی، سرعت محدودیتلری بوتون جبهه خطی بویونجا و اوکراینانین اشغال اولونموش اراضیلرینده قوه‌ده قالیر"، – دئیه زلنسکی بیلدیریب.

او، اوکراینانین مدافعه و خارجی ایشلر ناظرلیکلرینین بو مسئله‌نی آمریکانین موافیق قوروملاری ایله مذاکره ائدجه‌یینی گؤزله‌دیینی قید ائدیب:

"اوکراینانین اشغال اولونموش اراضیلری بیزیم سووئرئن اراضیمیزدیر و اورادا سرعتین محدودلاشدیریلماسی چوخ پیس مئساژدیر".

زلنسکی‌نین سؤزلرینه گؤره، بو محدودیت اوکراینا اوردوسونون راکتیو "شاهد" درونلارینی اله کئچیرمک و دیگر پیلوت‌سوز اوچوش آپاراتلارینا قارشی مبارزه امکانلارینی ضعیفله‌دیر.