روسیا فنلاندییانین ناتو-دان چیخماسینی و آلیانسین بالتیکیانی اؤلکه‌لرده‌کی بازالاریندان امتنا ائتمه‌سینی طلب ائدیر.

Axar.az خبر وئریر کی، بو باره‌ده «بیلد» نشری معلومات یاییب.

«یئنی آوروپا تهلوکه‌سیزلیک نیزامی ایله باغلی سرت شرطلر روسیا نماینده‌لری طرفیندن محاربه‌نین دایاندیریلماسینا دایر غیری-رسمی دانیشیقلاردا ایر‌لی سورولوب. بو شرطلر همچینین ابوظبی‌ده کئچیریلن دانیشیقلاردا آوروپا نماینده‌لرینه ده تقدیم ائدیلیب. مسکوا اوکراینانین اشغال آلتینداکی اراضیلرینی اؤز نظارتینده ساخلاماغی و دونتسک و لوگانسک ویلایتلرینین کیئوین نظارتینده اولان حصه‌لری ده داخل اولماقلا، بوتون دونباسی ایستییر.

بوندان علاوه، روسیانین پلانی ناتو-نون استونیا، لاتویا و لیتوادا حربی بازالار یئرلشدیرمه‌سیندن امتنا ائتمه‌سینی، ائلجه ده فینلاندیانین آلیانسدان چیخماسینی نظرده توتور. عینی زمان‌دا، اوکراینا بلوکلارا قوشولماماق ایستاتوسو آلمالی و ناتو-یا عضولوکدن امتنا ائتمه‌لیدیر. لاکین اؤلکه‌نین آوروپا بیرلییینه عضولویو استثنا ائدیلمیر. اوکراینانین اودسا و نیکولایئو لیمانلارینین حربی-دنیز بازالاری کیمی استفاده‌سینین قارشی‌سینی آلماق اوچون اونلارین دمیلیتاریزاسییا ائدیلمه‌سی، همچینین قارا و بالتیک دنیزلرینده سربست گمیچیلیین تعمین ائدیلمه‌سی ایله باغلی راضیلاشمالارین الده اولونماسی نظرده توتولور.