تبریز ماشین‌قایرما (ماشین‌سازی) شرکتینین بیر سیرا ایشچیلری امک حاقینین غیری-منتظم اؤدنیلمه‌سینه اعتراض اولاراق ایشی دایاندیریبلار.

Axar.az خبر وئریر کی، بو حاق‌دا یئرلی مئدیا معلومات یاییب.

ناراضی ایشچیلر رهبرلیین ایشچیلری آلداتدیغینی، امک حاقلارینین و قانونلا نظرده توتولوموش باشقا مواجبلرین اؤدنیلجیی باره‌ده وئردیی وعدلری یئرینه یئتیرمدیینی بیلدیریبلر.

بو اعتراض، ایلین اولین‌دن بری بو صنایع کمپلکسینین بو موضوع‌دا بیر نئچه اعتراضا شاهد اولدوغو و جمعی ایکی هفته اول پرزیدنتین سرانجامی ایله اونون اؤزل سکتورا وئریلمه‌سی پروسسینین دایاندیریلدیغی اعلان ائدیلدیی بیر وضعیتده کئچیریلیر.

قید ائدک کی، بو ایلین ایولوندا دا تبریز ماشین‌قاییرما شرکتینین تخمیناً ۱۶۰۰ ایشچی‌سی مای و ایون آیلاری اوچون معاشلارینین اؤدنیلمه‌مه‌سی سببین‌دن ایشی دایاندیرمیشدی.

سنتیابر آیین‌دا ایسه شرکت ایشچیلری مسعود پزشکیانا عنوانلادیقلاری مکتوبدا شرکتین بورجلاری، امک حاقی گئجیکمه‌لری، دوریه کاپیتالینین اولماماسی و استحصال اوچون کفایت قدر رسورس چاتیشمازلیغی باره‌ده معلومات وئریب، اونون وضعیت‌دن چیخیش اوچون یاردیم ائتمه‌سینی ایسته‌ییبلر.