آمریکا پرزیدنتی دونالد ترامپ گلن هفته چین‌ده کئچیریله‌جک آسیا-ساکت اوکئان اقتصادی امکداش‌لیق تشکیلاتینین ساممیتی چرچیوه‌سینده چین صدری شی جین‌پینگ و روسیه پرزیدنتی ولادیمیر پوتینله اوچطرفلی گؤروش کئچیره‌جک.

Axar.az خبر وئریر کی، بو باره‌ده آمریکا آدمینیستراسییاسینین یوکسک وظیفه‌لی رسمیلری ژورنالیستلره معلومات وئریبلر.

رسمیلرین سؤزلرینه گؤره، آمریکا، چین و روسیه لیدرلرینین ایلک دفعه کئچیریله‌جک اوچطرفلی گؤروشونون اساس موضوعسو نووه سلاحلارینین لغوی اولاجاق. طرفلرین ایران مسئله‌سینی ده مذاکره ائدجه‌یی گؤزله‌نیلیر.

بونونلا یاناشی، دونالد ترامپین گؤروش زامانی روسیه‌نین اوکراینا قارشی محاربه‌سینی مذاکره ائتمک نیتینده اولمادیغی بیلدیریلیر.

آمریکا رسمیلری گؤروشون کنکرت راضیلاشما ایله نتیجلنجه‌یینی گؤزله‌مه‌دیکلرینی، دانیشیقلاری نووه ترک-سلاحی مسئله‌سینده ایلکین مذاکره کیمی قیمتلندیردیکلرینی قید ائدیبلر.