بیرلشمیش عرب امیرلیکلری‌نین پایتختی ابوظبی‌ده آمریکا-اوکراین-روسیه اوچطرفلی دانیشیقلاری عرفه‌سینده اراضی گذشتلرینین ده نظردن کئچیریلدیی ادعاسی یاییلمیشدی.

Axar.az خبر وئریر کی، بو باره‌ده «رویترز» ده آمریکا رسمیلرینه استنادلا معلومات یایمیشدی.

«اکونومیست» نشری ایسه «اراضی مبادیله‌سی»نین مذاکره ائدیلدیینی یازمیشدی. آنجاق کرمل «مبادیله» ادعاسینی درحال تکذیب ائتدی.

ابوظبی گؤروشونون آردینجا ایسه روسیه‌نین اوکراین اوچون «چکدیی» خریته سوسیال شبکه‌لرده تیراژلانیب. ادعایا گؤره، روسیه اوکراینین یالنیز بو اراضیلر داخیلینده موجودلوغونو تانییاجاغینی بیلدیریب.

یاییلان خریته‌ده نه‌اینکی دونتسک، لوگانسک و کریم، عینی زامان‌دا خرسون (اودسانین سرحدینه قدر)، زاپوروژیه ویلایتینین اهمیتلی حیصه‌سی و دیگر اراضیلری ده روسیه‌نین اله کئچیردیی عکس اولونوب.

قید ائدک کی، ولادیمیر زلنسکی‌نین بو طلبی رد ائتدیی ده وورغولانیر.