دایمی صلحون الده اولونماسی اوچون شرایط یاراندیغی تقدیرده دونالد ترامپلا گؤروش!

Axar.az خبه وئریر کی، بونو ایران پارلامنتی‌نین کچمیش صدری مهدی کروبی مسعود پزشکیانا مکتوبوندا یازیب.

او، چتین حیات شرایطینی حکومتین سون بیر نئچه اون‌ایللیک‌ده‌کی سیاستی‌نین، خصوصاً ده سانکسییالارین نتیجه‌سی حساب ائدیب و بحرانلارین عهده‌سیندن گلمه‌یین ایلک آددیمینین "یارادیلمیش تابولاری" آرادان قالدیرماق اولدوغونو بیلدیریب.

کروبی‌نین فیکرینجه، ملی ماراقلارلا ضدیت تشکیل ائد‌ن "قیرمیزی خطلر"ی نظردن کئچیرمه‌یین واختی چاتیب.

او، ایران‌داکی موجود وضعیته توخوناراق، اؤلکه‌نین تاریخینین ان حساس نقطه‌لریندن بیرین‌ده اولدوغونو و بئله بیر وضعیتین "تاریخی قرارلار" طلب ائتدیینی یازیب.

مهدی کروبی همچینین پزشکیانا دسته‌یینی بیلدیریب و اونو "پرزیدنته لایق مؤقع و وظیفه چرچیوه‌سینده حرکت ائتمه‌یه" چاغیریب.

پارلامنتین کئچمیش صدری، پزشکیانین ب‌ام‌ت-نین قرارگاهینا سفرینی "مثل‌سیز فرصت" آدلاندیریب:

"اگر شرایط اویغون‌دورسا، او، کونستروکتیو دانیشیقلار و داواملی صلح اوچون آمریکا پرزیدنتی ایله گؤروشمه‌لی و ملتین سئلی‌نین قارشی‌سیندا اهمیت‌سیز اولان بیر گروپون دامغاسیندان قورخمامالی‌دیر".