«ایستارلینک» و اونون کیمی پیکلر یئرین قورویوجو اوزون طبقه‌سینی زده‌له‌یه بیلر.

Axar.az خبر وئریر کی، بو باره‌ده آمریکانین جنوبی کالیفورنییا اونیورسیتتینین آراشدیرماسیندا قید اولونوب.

«میسییاسینین سونوندا پیکلر اوربیتدن چیخاراق آتموسفئین یوخاری قاتیندا یانیر. کیچیک بیر پیک یاندیقدا تخمیناً ۳۰ کیلوگرم آلومینیوم اوکسیدی عمله گلیر. تکجه ۲۰۲۲-جی ایلده پیک یانمالاری تخمیناً ۱۷ تن کیچیک آلومینیوم اوکسیدی حیصه‌جیکلری یارادیب»، - آراشدیرمادا بیلدیریلیب.

معلوماتا گؤره، «ایسپیس X» آرتیق ۶۰۰۰-دن چوخ پیک بوراخیب و اونلارین سایی آرتماقدا داوام ائدیر.

قید ائدک کی، آلومینیوم اوکسیدلری اوزون طبقه‌سینی محو ائدیر. تدقیقاتچیلار خبردارلیق ائدیرلر کی، اونلار آتموسفرده قالا و اونیل‌لیکلر عرضینده اوزون طبقه‌سینی محو ائده بیلر.