اکثریت دوشونور کی، الکتریکله چالیشان آوتومبیللر ۲۱-جی عصرین «معجزه‌سی‌دیر»، اما ائله دئییل: دونیادا ایلک آوتومبیل ده الکتریکله چالیشیب، ۱۹-جو عصرین سونو، ۲۰-جی عصرین اولینده آوتومبیللر داها چوخ الکتریکله ایشلییردیلر. مثلاً، ۱۹۱۰-جو ایلده آمریکادا آوتومبیللرین ۴۰%-دن چوخو الکتوکار اولوب.

Axar.az خبر وئریر کی، بو سؤزلری اقتصادچی اکسپرت ناطیق جعفرلی بیلدیریب.

او قید ائدیب کی، نفت صنایع‌سی گئنیشلندیکجه داخلی یانما محریکی (دیم) ایله چالیشان آوتومبیللر آرتیب:

«۱۹۷۰-جی ایللرده دونیادا نفت بحرانی باش وئرنده (نفت استحصال ائد‌ن اؤلکه‌لر آمریکا و بعضی غرب اؤلکه‌لرینه اسرائیل مسئله‌سینه گؤره امبارقو قویموشدو)، نفتین قیمتی کسکین باهالاشاندا یئنی‌دن «الکتروکار» موضوع‌سو گونده‌مه گلدی و استحصالی آرتدی. اما نفت قیمتلری آشاغی دوشن کیمی بو ساحه یئنی‌دن یاددان چیخدی.

سون ۱۵-۲۰ ایلده یئنی‌دن پوپولیارلاشان «الکتروکار» موضوع‌سو اؤز «رنسانسینی» باها نئفته بورجلودور. ایقلیم دییشیک‌لییی میفینی یایماقلا ایسه بو مسئله‌یه «دوز، ایستیوت» قاتدیلار. یعنی، نفت ۸۰ دلار و داها باها اولمالیدیر کی، «الکتروکار» موضوع‌سو پوپولیار اولسون، چونکی صرف اکولوژی مسئله‌یه گؤره الکتریکله چالیشان آوتومبیللرین استحصالی و زمانی بیتمیش آکومولیاتورلارین (باطری‌لر‌ین) اوتیلیزاسییاسی داها زیانلی‌دیر.

آوتومبیللر اوچون باطرینین کومپوننتلره لیتیوم فیلیزی، نیکل، کوبالت، گرافیت، مانقان، آلومینیوم، قالای، تانتال، وانادیوم، ماقنئزیوم و بیر نئچه نادر مینئراللار لازیم‌دیر. مثلاً، بیر «تسلا» الکترومبیلین‌ده ۵۳۷۵-دن ۷۱۰۴-ا قدر الکتریک باطریسی حجیره‌لری وار. اونلارین استحصالی اوچون (۱ آوتومبیل اوچون) ۶۰۰ متر مربع یئر سطحی قازیلاراق ۱۱ آددا فایدالی قازینتی چیخاریلمالی‌دیر – بو جمعی ۱ الکتروکار اوچون حسابلانمیش نورمادیر. ایندی اؤزونوز تصور ائدین، جمعی ۱ ماشین اوچون ۶۰۰ متر مربع یئر سطحی قازیلمالی‌دیرسا، میلیونلارلا آوتومبیل اوچون بو نه دئمکدیر، اکولوژی فسادلاری نه قدر اولا بیلر. هله من او چیخاریلان مئتال و مینراللارین اعمالی، اونلارین ایستحصالا یارارلی حالا گتیریلمه‌سی اوچون نه قدر انرژی و سو صرفینی دئمیرم – ۱ الکتروکار اوچون لازیم اولان باطرینین استحصال‌دا استفاده اولونان مینراللاری اعمال ائتمک اوچون ۱۵۰۰ لیتردن چوخ سویا احتیاج وار. ۲۰۳۰-جو ایله قدر بو مئتال و مینئراللارین چیخاریلماسی ۲۰۱۸-جی ایلله مقایسه‌ده ۴۰ دفعه (!!!) آرتمالیدیر کی، احتیاجلار اؤدنیلسین.

دونیادا جدی اکولوژی بحران سیگناللاری وار، اینسان اولادی طبیعتی وحشیجه‌سینه استثمار ائدیر، سو حوضه‌لرینی چیرکلندیریر، مئشه‌لری قیریر و س.، اما بونون ایقلیم دییشیک‌لییی میفی ایله بیرباشا علاقه‌سی یوخ‌دور، بو میف دونیا اوزره صرف بیزنس لاییحه‌دیر و بیر چوخ حاللاردا بو میفه گؤره طبیعته، اکولوگییایا داها چوخ زیان وورورلار.

اونا گؤره ده دونیادا میف و رئال‌لیقلاری بیر-بیرین‌دن آییرا بیله‌جک یئنی سیاسی «ویزیونا» احتیاج وار، نفت ماقناتلاری اؤز ماراقلارینی، «یاشیل اقتصادیاتدا» استفاده ائدیلن طبیعی رسورسلار ماقناتلاری ایسه اؤز ماراقلارینی دیکته ائتدیکجه، دونیادا پروبلملرین نورمال حلی اوچون علمی اورتام یارانمایاجاق. بئله بیر اورتامین یارانماسی اوچون ایسه دونیادا عقل‌لی، ویجدان‌لی سیاستچیلره، علمی یاناشمایا، جدی دیسکورسا، باشقا فکرده اولانلارین لینچ اولونماماسینا عاجل احتیاج وار».