نیو یورک شهرینین ایلک مسلمان مری سئچیلمیش زؤهران ممدانی واخت ایتیرمه‌دن آمریکا پرزیدنتی دونالد ترامپلا مبارزه‌یه باشلایاجاغینی دئییب.

Axar.az خبر وئریر کی، بو باره‌ده «رؤیترز» معلومات یاییب.

ممدانی چیخیشین‌دا آمریکا پرزیدنتی ایله مبارزه آپاراجاغینا سؤز وئریب:

«دونالد ترامپ، ایزلدیینیزی بیلدییم اوچون سیزه ایکی سؤزوم وار: دقتله دینلیین! بیر دسپوتو قورخوتماغین یولو وارسا، او دا اونون حاکمیته گلمه‌سینه امکان وئرن شرطلری آرادان قالدیرماق‌دیر. مسئله تکجه ترامپی نئجه دایاندیرماغیمیزدا دئییل، هم ده نوبتی ترامپی نئجه دایاندیرماغیمیزدادیر».

قید ائدک کی، ترامپ اوللر دفعه‌لرله ممدانینین نامزدلیینی تنقید ائتمیش، اونو آنتی‌سمیتیزم‌ده گناهلاندیرمیش و کمونیست آدلاندیرمیشدی.
ایلکین نتیجه‌لره گؤره، ممدانی نیو یورک شهرینین مری سئچیلیب.