سوئد حکومتی اسلام رسپوبلیکاسینین استکهلم‌داکی سفیرلیینین بیر ایشچی‌سینی "دیپلوماتیک مناسیبتلر حاقیندا وین کونونسییاسی ایله اویغون اولمایان" حرکتلره گؤره اؤلکه‌دن چیخاریب و ایران سفیرینی ایضاحات اوچون خارجی ایشلر ناظرلیینه چاغیریب.

Axar.az خبر وئریر کی، بو باره‌ده سوئد عدلیه ناظری گوننار استرومر بیلدیریب.

اؤلکه‌دن قووولان ایشچی‌نین کیم‌لییی آچیقلانماییب، آنجاق سوئد عدلیه ناظرلییی قووولمانین سببی کیمی تهرانین سوئد اراضی‌سینده‌کی یهودی و اسرائیل ماراقلارینا قارشی تهدیدلرینی گؤستریب.

استرومئر آچیقلاماسیندا بیلدیریب کی، اسلام رسپوبلیکاسی اوزون مدت‌دیر کی، سوئدین تهلوکه‌سیزلیینی تهدید ائد‌ن و ایران حکومتینین علیهدارلارینی هدف آلان فعالیتلر حیاتا کئچیریر؛ اونون سؤزلرینه گؤره، تهران بونو ائتمک اوچون یئرلی سوئد جنایتکار شبکه‌لرین‌دن استفاده ائدیب.

سوئد کشفیات و تهلوکه‌سیزلیک خیدمتی اوللر اسلام رسپوبلیکاسینین سوئدده اسرائیله و اونون علیهدارلارینا قارشی زوراکی‌لیق آکتلاری حیاتا کئچیرمک اوچون سوئد جنایتکار دسته‌لریندن استفاده ائتدیینی بیلدیرمیشدی.