آمریکا پرزیدنتی دونالد ترامپ سنتیابرین ۲۲-ده نیویورک‌دا ب‌ام‌ت باش آسسامبلیاسینین اجلاسی چرچیوه‌سینده بصره کؤرفزی (فارس) عرب دولتلرینین امکداشلیق شوراسی اؤلکه‌لرینین لیدرلری و یا خارجی ایشلر ناظرلری ایله گؤروش کئچیرمه‌یی پلانلاشدیریر.

Axar.az خبر وئریر کی، بو باره‌ده منبع‌لره استنادن "آکسیوس" پورتالی معلومات یاییب.

نشرین معلوماتینا گؤره، دانیشیقلاردا اساس دقت واشینگتونون ایرانلا محاربه باشا چاتدیقدان سونراکی وضعیتله باغلی پلانلارینا یؤنه‌لدیله‌جک.

"آکسیوس" قید ائدیر کی، ترامپ آدمینیستراسییاسی محاربه‌دن سونراکی دؤور اوچون کومپلکس پلان حاضیرلاییر. اونون آمریکاداکی آرالیق سئچکیلردن سونرا یئکون اولاراق تصدیقلنجه‌یی گؤزلنیلیر.

آمریکا دولت دپارتامنتی آرتیق گؤروشه ایلکین دعوتنامه‌لری گؤندریب. گؤروشده سعودییه عربستانی، بیرلشمیش عرب امیرلیکلری، قطر، بحرین، کوویت و عمان نماینده‌لرینین اشتیراک ائدجه‌یی گؤزلنیلیر.