بریتانیالی کئچمیش پاراشوتچو کارل بوشبی ۲۹ اؤلکه‌نی احاطه ائد‌ن ۵۷ مین ۹۳۶ کیلومترلیک دنیا سیاحتینی ۲۸ ایله تماملادیقدان سونرا دوغما شهری هولا قاییدیب.

Axar.az خبر وئریر کی، بو باره‌ده بی.بی.سی معلومات یاییب.

بیلدیریلیب کی، بوشبی ۱۹۹۸-جی ایلده چیلینین ان جنوبوندا یئرلشه‌ن پونتا آرناس شهریندن یولا چیخیب. او، سیاحتینی تماملامادان ائوه قاییتماماغی و یول بویو ایر‌لیله‌مک اوچون هئچ بیر نقلیات واسطه‌سیندن استفاده ائتمه‌میی قارشی‌سینا هدف قویوب.

دؤرد قیطه‌نی، صحرالاری، مئشه‌لری، داغلاری و دونموش دنیزلری پیادا کئچه‌ن سیاح دنیانین ان اوزون فاصله‌سیز پیادا سیاحتی رکوردونو قیریب.

اوزون و تهلوکه‌لی سفری زمانی بوشبی برینگ بوغازینی و دارین کئچیدینی پیادا کئچیب، قطب آییلاری ایله قارشیلاشیب، سلاحلی تهدیدلره معروض قالیب. او، روسیادا جاسوسلوقدا اتهام اولوناراق ساخلانیلیب و اؤلکه‌دن دپورتاسیا ائدیلمه‌سینه قرار وئریلیب.

۵۷ یاشلی سیاح دوغما شهرینده کرالیچا ویکتوریا میدانیندا ازدحاملا قارشیلانیب. بوشبی اوغورونون یالنیز اؤزونه عاید اولمادیغینی وورغولایاراق یول بویونجا اونا کمک ائد‌ن انسانلارا و گؤستریله‌ن دسته‌یه گؤره تشکور ائدیب.