قازاخیستان پرزیدنتی قاسیم-ژومارت توکایئوین «روسیانی تورک دولتلری تشکیلاتینا داخل ائدک» تکلیفینه آنکارا «یوخ» دئدی.

Axar.az خبر وئریر کی، بو سؤزلری پولیتولوق ائلخان شاهین‌اوغلو بیلدیریب.

«تورکیه‌نین حاکم عدالت و انکشاف پارتییاسینین تورک دولتلری ایله علاقه‌لر اوزره صدر معاونی کورشاد زورلو روسیانین تشکیلاتا عضولویونون ممکون اولمادیغینی بئله اساسلاندیریب:

«هر هانسی دولتین تورک دولتلری تشکیلاتینا عضولویو و یا مشاهده‌چی استاتوسوندا قاتیلماسی اوچون رسمی دیلی تورک دیللریندن بیری اولمالیدیر. روسیا بو طلبه جواب وئرمیر».

کورشاد زورلو روسیانین واختیله وئردیی بیر قراری دا خاطیرلادیب: «۱۹۹۳-جو ایلده تاسیس اولونان تورکسوی-آ روسیادان آلتای، تووا، چوواش، باشقیردیستان، یاکوت و تاتاریستان دا قاتیلمیشدیلار. آنجاق روسیا فدراسییاسی ۲۰۱۵-جی ایلده آلدیغی قرارلا بو بؤلگه‌لرین تورکسوی-داکی فعالیتلرینی دوندوردو».

یعنی تورکیه‌نین حاکم پارتییاسینین نماینده‌سی بونونلا دئمک ایسته‌ییب کی، واختیله اؤلکه‌سینده‌کی تورکلرین تورک دنیاسی ایله مدنی علاقه‌لرینین اینتگراسییاسینا مانع اولان اؤلکه تورک دولتلری تشکیلاتینا عضو اولا بیلمز»، - او قید ائدیب.