فلسطین پرزیدنتی محمود عباسین یونان کیپرینه سفری تورک کیپرینده اعتراضلا، آذربایجاندا ماراقلا قارشیلانیب. عباسین نیکوسیا زیارتی تصادفی دئییل: فلسطین آدمینیستراسییاسی یونانلارین اسرائیلله یاخین مناسبتلریندن بؤلگه‌ده ثابتلیین الده ائدیلمه‌سی اوچون استفاده ائتمک ایسته‌ییر، همچنین کیپری آوروپایا آچیلان قاپی کیمی گؤرور.

محمود عباسین آددیمی شمالی کیپرده اعتراضلارا سبب اولسا دا، فلسطین ماراقلاری کونتکستینده سیاسی مانئور کیمی قیمتله‌ندیریله بیلر.

لاکن بو سفرین تورکیه‌یه قارشی اولدوغو دا آیدین گؤرونور.

۱. محمود عباس یونان کیپرینه محض تورکیه‌نین جمهوریت گونونده سفر ائدیب؛

۲. اسرائیلله باریشیق اوچون یونانلاردان دستک ایسته‌ییب کی، بو، تورکیه‌نین فلسطین سیاستینی، یاخود بو اؤلکه‌یه گؤره گؤستردیی سعیلری هئچه سایماقدیر؛

۳. یونانیستان، جنوبی کیپر و اسرائیل آرالیق دنیزینده تورکیه‌نین ماراقلارینین علیه‌اینه اولان بلوک قورورلار: فلسطین پرزیدنتی ده فاکتیکی اولاراق، بو بلوکا یاخینلاشماق خطینی ایزله‌ییر.

فلسطین آدمینیستراسیاسینین حماسدان فرقلی اولاراق، اسرائیله لویال مناسبتی سیرر دئییل. بو مؤوقعیی رگیونال صلح و دولت ماراقلاری آرگومنتی ایله مدافعه ائدیرلر. بو رئاللیق فونوندا ایللردیر فلسطین مسئله‌سی و اسرائیلله مناسبتلره گؤره آذربایجانی هدفه آلان تورکیه‌ده عباسین نیکوسییا زیارتینه سسسیز یاناشما ایرونیک گؤرونور.