گونون سنساسییاسی آمریکالی ژورنالیست تاکر کارلسونون آمریکا اردوسونون نویابر آییندا ایرانا نووه ضربه‌سی ائندیره بیلجه‌یی ایله باغلی آچیقلاماسی اولدو.

Axar.az خبر وئریر کی، بونو روسیالی پولیتولوق سرگی مارکوو دئییب.

«ادعالارا گؤره، نتانیاهو ترامپی بونا راضی سالماغا چالیشیر. ترامپ ایسه ضربه ائندیرمه‌یه میللی‌دیر. ضربه‌نین ایرانین اساس نووه اوبیکتینه ائندیریلمه‌سی نظرده توتولور. حساب اولونور کی، همین اوبیکت ۹۰ متر قالینلیغیندا گرانیت طبقه‌سینین آلتیندا، داغین داخلینده یئرلشیر. ادعالارا گؤره، نتانیاهو ایرانین ضربه‌لریندن ضرر چکه‌ن عرب اؤلکه‌لری ایله ده دانیشیقلار آپاریب و آمریکادان نووه سلاحی تطبیق ائتمه‌سینی ایسته‌مک مسئله‌سینده اونلارین دستیینی آلماغا چالیشیب. لاکن عرب اؤلکه‌لری بئله بیر اسکالاسییانین طرفداری دئییل. بونونلا بئله، ترامپین بئله بیر امر وئرمه‌یه یاخین اولدوغو بیلدیریلیر.

ادعایا گؤره، روسیا آمریکا رهبرلیینی خبردار ائدیب کی، اگر آمریکا ایرانا قارشی نووه سلاحیندان استفاده ائدرسه، روسیا دا اوکراینایا نووه ضربه‌سی ائندیره بیلر (لاکن ایکینجی ادعانین حقیقتی عکس ائتدیرمدیینه امینه‌م. روسیا قرارلارینی بئله قبول ائتمیر).

هر حالدا، حاضردا بوتون پایتاختلاردا کارلسونون بو خبردارلیقلارینین نه درجه‌ده رئال اولدوغو مذاکره ائدیلیر. بونونلا یاناشی، هامی باشا دوشور کی:

۱. آمریکانین نویابر آییندا ایرانا ضربه ائندیرمه احتمالی چوخ یوکسکدیر.

۲. آمریکانین بو ضربه ایله قارشییا قویدوغو مقصدلره نایل اولا بیلمه‌مه‌سی احتمالی دا چوخ یوکسکدیر.

۳. ترامپین ایرانا ضربه ائندیرمکله قارشییا قویدوغو مقصده نایل اولا بیلمیجه‌یینی آنلاماسی احتمالی چوخ یوکسکدیر.

۴. ترامپین کسکین آددیملار آتماغا حاضر اولماسی احتمالی یوکسکدیر.

۵. حاضردا کارلسونلا ترامپ آراسیندا مناسبتلر چوخ پیسدیر.

۶. کارلسونون ترامپ آدمینیستراسییاسیندا چوخ‌سایلی علاقه‌لری وار.

۷. بس بو، ترامپین نووه سلاحیندان استفاده حدینی آشاجاغی آنلامینا گلیرمی؟»، - او بیلدیریب.