لیوان‌دا پیجر و تلفن‌لارا ائدیلن هجومدان سونرا سمارت جهازلارین تهلوکه‌سیزلییی هر کسی دوشوندورمه‌یه باشلاییب. معیشت تکنیکاسیندان توتموش آوتومبیللره قدر اینترنته قوشولا بیلن بیر چوخ جهاز کناردان اداره اولونا بیلرمی؟

Axar.az خبر وئریر کی، مسئله ایله باغلی تورک مدیاسینا آچیقلاما وئره‌ن کیبرتهلوکه‌سیزلیک اوزره متخصص تامئر شاهین اینترنته قوشولان بوتون عقل‌لی جیهازلارین ریسک آلتیندا اولدوغونو بیلدیریب.

«بو جهازلار داوام‌لی اولاراق اینترنته باغلی اولدوغو اوچون کیبر هجوملارلا مانیپولیاسییا ائدیله و فیزیکی حیاتا ضرر وئرمک اوچون استفاده ائدیله بیلر. مثلاً، سویودوجودا یانغین تؤره‌ده و یا تلویزور کامراسی واسطه‌سیله اینسانلاری سئیر ائده بیلرلر. سمارتفونلار سؤندورولدوکده بئله دیگر جهازلارلا علاقه قورور»، - او دئییب.

تامر شاهین بیر چوخ یئنی نسل آوتومبیللرده کنار مداخیله ایله ایلجلرین باغلانا، سوکانین دؤندریله بیلیندیینی ادعا ائدیب. اونون سؤزلرینه گؤره، بو جور مداخیله‌لر خصوصیله یوکسک سرعتده جدی قزالارا سبب اولا بیلر.

مرمره اونیورسیتتینین پروسوری علی مراد کیریک عقل‌لی معیشت تکنیکاسینین ریسک آلتیندا اولدوغونو استثنا ائتمه‌ییب:

«عقل‌لی الکتریک یووالاری (روزتکالار)، ترموستاتلار و سوبالار کیمی جهازلار ضررلی پروگراملار واسطه‌سیله حدیندن آرتیق ایستیلشمه‌یه و یا الکتریک یوکله‌نمه‌سینه سبب اولا بیلر. بو، یانغین و یا پارتلاییش تهلوکه‌سی یارادیر».

کیبئر تهلوکه‌سیزلیک متخصصی اوسمان دمیرجان مودم تهلوکسیزلیینین گؤزاردی ائدیلمه‌مه‌سی لازیم اولدوغونو وورغولاییب:

«مودم ائودکی بوتون عقل‌لی جهازلارا قوشولوب. حساس بیر مودم بوتون سمارت جیهازلارا گیریشی تعمین ائدیر. مودمین تهلوکه‌سیزلییی تعمین اولونمازسا، او، کنار مداخیله‌لره آچیق اولور».

بونونلا بئله اکسپرتلر قید ائدیب کی، کیبرتهلوکه‌لردن قورونماق اوچون پروگرام تأمیناتی یئنی‌لنمه‌لی‌دیر: مرکب و گوجلو پاروللاردان استفاده، اعتبارلی برندلردن محصول سئچمک تهلوکه‌سیزلیک ریسکلرینی آزالدیر.