آمریکا باکی و ایروان آراسیندا الده اولوناجاق سازش چرچیوه‌سینده آذربایجان و ارمنستان اراضیلری آراسیندا نقلیات دهلیزینین اداره اولونماسی حقوقلارینی الده ائده بیلر.

Axar.az خبر وئریر کی، بو باره‌ده «رؤیترز» آگنت‌لییی منبع‌لره استنادا معلومات یاییب.

آگنتلیین وئردیی معلوماتا گؤره، بوندان اول آمریکا پرزیدنتی دونالد ترامپ ارمنستان و آذربایجانین لیدرلری – نیکول پاشینیان و الهام علیئوی آغ ائوده قبول ائد‌جک. گؤروشون نتیجه‌سی اولاراق صلحه آپاران کونکرت یولون تاپیلماسی و چوخدان حل اولونمامیش ترانزیت مسئله‌سینین حلی مقصدیله چرچیوه صلح سازشینین امضالانماسی گؤزلنیلیر.

منبع‌لرین وئردیی معلوماتا گؤره، ارمنستان آمریکایا اوزون مدت‌لی دور اوچون «بئینلخالق سوله و ریفاه اوچون ترامپ مارشروتو» آدینی آلاجاق نقلیات دهلیزینین انکشافی اوزره اکسکلوزیو حقوقلار وئرمیی پلانلاشدیریر.

منبع‌لر قید ائدیبلر کی، بو مارشروت ارمنستان قانون وئریجیلیینه اویغون شکیل‌ده استثمار اولوناجاق، آمریکا ایسه همین اراضینی اینفراستروکتور و اداره‌ئتمه مقصدیله کونسورسیوما سوبارندایا وئره‌جک.

نشرین معلوماتینا گؤره، دانیشیقلاردان سونرا آذربایجان و ارمنستان لیدرلری صلح سازشینین امضالاندیغینی اعلان ائده بیلرلر.

قید ائدک کی، بو گون واشینگتن‌دا دونالد ترامپین الهام علیئو و نیکول پاشینیانلا گؤروشو گؤزلنیلیر.