آذربایجان باش ناظیرینین معاونی شاهین مصطفی‌یئوین رهبرلیک ائتدیی نماینده هیئتینین ایرانا سفری چرچیوه‌سینده ایکی اؤلکه آراسیندا اقتصادی امکداشلیق اوزره بیرگه کمیسیانین هم‌صدرلرینین گؤروشو کئچیریلیب.

بو باره‌ده Axar.az-آ ناظیرلر کابینتیندن معلومات وئریلیب.

گؤروش زمانی اقتصادی-تجارت، نقلیات-کمونیکاسییا و هومانیتار ساحه‌لرده علاقه‌لرین موجود وضعیتی، همچنین قارشی‌لیقلی ماراق دوغوران دیگر مسئله‌لر و امکداشلیغین انکشاف پرسپکتیولری مذاکره اولونوب.

بو ایلین فورالیندا باکی‌دا کئچیریلمیش دولت کمیسیاسینین ۱۷-جی اجلاسینین یکونلاری اوزره الده ائدیلمیش راضیلاشمالارین و امضالانمیش آنلاشما مموراندوموندا نظرده توتولان تدبیرلرین اجرا وضعیتی ایله باغلی مذاکره‌لر آپاریلیب.

باش ناظیرین معاونی پرزیدنتلر ایلهام علیئو و مسعود پزشکیان آراسیندا فعال سیاسی دیالوگون و دوستلوق مناسبتلرینین ایکی اؤلکه‌نین علاقه‌لرینین انکشافینا مهم تکان وئردیینی بیلدیریب.

بیشککده لیدرلر آراسیندا کئچیریله‌ن گؤروشو خصوصی قید ائدیب.

شاهین مطفی‌یئو اؤتن دؤور عرضینده گؤرولموش ایشلره نظر سالاراق، راضیلاشدیریلمیش لاییحه‌لرین حیاتا کئچیریلمه‌سی پروسسینین سرعتلندیریلمه‌سی و عایدیتی قوروملار آراسیندا علاقه‌لندیریلمیش فعالیتین داوام ائتدیریلمه‌سینین اهمیتینی وورغولاییب.

صحبت زمانی نقلیات و ترانزیت ساحه‌سینده "شمال-جنوب" بین‌الخالق نقلیات دهلیزینین انکشافی، اونون اؤتوروجولوک قابلیتینین آرتیریلماسی اساس مذاکره موضوعلاریندان بیری اولوب.

آغبند–کلاله آوتوموبیل کؤرپوسونون تیکینتی‌سینین باشا چاتدیریلماسی ممنونلوقلا قید ائدیلیب، سرحد-کئچید اینفراستروکتورونون استفاده‌یه وئریلمه‌سی ایله باغلی مسئله‌لر مذاکره اولونوب.

آستارا یوک ترمینالیندا ایشلرین تماملانماسی و ترمینالین یوکاشیرما امکانلارینین گئنیشلندیریلمه‌سی ایله باغلی گؤروله‌ن تدبیرلر ده نظردن کئچیریلیب.

ایکی اؤلکه آراسیندا پرسپکتیولی اینفراستروکتور لاییحه‌لری اطرافیندا فکر مبادله‌سی آپاریلیب.

گؤروشده آذربایجان ایله ایران آراسیندا قارشیلیقلی فایدالی امکداشلیغین انکشاف ائتدیریلمه‌سی، دولت کمیسیاسینین ۱۷-جی اجلاسیندا الده اولونموش راضیلاشمالارین آردیجیل اجراسی و بیرگه لاییحه‌لرین حیاتا کئچیریلمه‌سینین سرعتلندیریلمه‌سی استقامتلرینده فعالیتین داوام ائتدیریلمه‌سی باره‌ده راضیلیغا گلینیب.