آوگوستون ۸-ده آذربایجان رسپوبلیکاسینین پرزیدنتی ایلهام علیئو، آمریکا بیرلشمیش اشتاتلارینین پرزیدنتی دونالد ترامپ و ارمنیستان رسپوبلیکاسینین باش ناظیری نیکول پاشینیان آذربایجان رسپوبلیکاسینین پرزیدنتینین و ارمنیستان رسپوبلیکاسینین باش ناظیرینین آمریکا بیرلشمیش اشتاتلارینین واشینگتن شهرینده کئچیریلمیش گؤروشونه دایر بیرگه بیاننامه‌نی امضالاییبلار.

Axar.az بیرگه بیاننامه‌نین تام متنینی تقدیم ائدیر:

"بیز، آذربایجان رسپوبلیکاسینین پرزیدنتی و ارمنیستان رسپوبلیکاسینین باش ناظیری ۸ آوگوست ۲۰۲۵-جی ایل تاریخینده آمریکا بیرلشمیش اشتاتلارینین واشینگتن شهرینده گؤروشه‌رک، آشاغیداکیلاری بیان ائدیریک:

۱. بیز و آمریکا بیرلشمیش اشتاتلارینین پرزیدنتی دونالد ترامپ "آذربایجان رسپوبلیکاسی و ارمنیستان رسپوبلیکاسی آراسین‌دا صلحون و دولتلرآراسی مناسبتلرین تاسیس اولونماسی حاقین‌دا سازش"این راضیلاشدیریلمیش متنینین طرفلرین خارجی ایشلر ناظیرلری طرفیندن پارافلانماسینا شاهدلیک ائتدیک. بو کونتکستده، بیز سازشین امضالانماسی و یکون اولاراق راتیفیکاسییاسی اوچون علاوه تدبیرلرین گؤرولمه‌سینین داوام ائتدیریلمه‌سینه احتیاج اولدوغونو قبول ائتدیک و اؤلکه‌لریمیز آراسین‌دا صلحون تامین ائدیلمه‌سی و گوجلندیریلمه‌سینین واجبلیینی وورغولادیق؛

۲. بیز، همچنین آوروپادا تهلوکه‌سیزلیک و امکداشلیق تشکیلاتینین مینسک پروسسی و اونونلا علاقه‌لی ایستروکتورلارینین باغلانماسینا دایر آذربایجان رسپوبلیکاسینین خارجی ایشلر ناظیری و ارمنیستان رسپوبلیکاسینین خارجی ایشلر ناظیری طرفیندن آوروپا تهلوکه‌سیزلیک و امکداشلیق تشکیلاتینا بیرگه مراجعتین امضالانماسینا شاهدلیک ائتدیک. بیز آوروپا تهلوکه‌سیزلیک و امکداشلیق تشکیلاتی-نین بوتون اشتراکچی دولتلرینی بو قراری قبول ائتمه‌یه چاغیریریق؛

۳. بیز رگیون‌دا و اونون قونشولوغون‌دا دولتلرین سووئرنلیی، اراضی بوتؤولویو و یوریسدیکسییاسینا حرمت اساسین‌دا صلحون، ثابتلیین و رفاهین تشویقی اوچون ایکی اؤلکه آراسین‌دا اؤلکه‌داخلی، ایکی‌طرفلی و بین‌الخالق نقلیاتین تامینی مقصدیله کمونیکاسییالارین آچیلماسینین اهمیتینی بیر داها تصدیق ائتدیک. بو سعیلر آذربایجان رسپوبلیکاسینین اساس حصه‌سی و اونون ناخچیوان مختار رسپوبلیکاسی آراسین‌دا مانعه‌سیز باغلانتینی و ارمنیستان رسپوبلیکاسی اوچون بین‌الخالق و اؤلکه‌داخلی باغلانتیلار اوزره قارشی‌لیقلی فایدالاری احتیوا ائدیر؛

۴. ارمنیستان رسپوبلیکاسی ارمنیستان رسپوبلیکاسینین اراضی‌سینده "بین‌الخالق صلح و ریفاه نامینه ترامپ مارشروتو" باغلانتی لاییحه‌سی اوچون چرچیوه‌نین معین ائدیلمه‌سی مقصدیله آمریکا بیرلشمیش اشتاتلاری و قارشی‌لیقلی معین ائدیلمیش اوچونجو طرفلر ایله امکداشلیق ائد‌جکدیر. بیز بو مقصده ان قیسا زمان‌دا نایل اولماق اوچون خوش نیتله سعی گؤسترمه‌یه دایر قطعیتیمیزی تصدیق ائدیریک؛

۵. بیز بیرلشمیش ملتلر تشکیلاتی نظامنامه‌سی و ۱۹۹۱-جی ایل آلماتی بیاننامه‌سینه اویغون اولاراق، کئچمیش مناقشه‌نین اسیری اولمایان پارلاق گله‌جک یولونا قدم قویولماسینا اولان احتیاجی قبول ائدیریک. درین انسان اضطتیرابلارینا سبب اولموش مناقشه‌دن سونرا نهایت کی، بین‌الخالق سرحدلرین توخونولمازلیغی و اراضی الده اولونماسی اوچون گوج تطبیق ائتمه‌نین یول‌وئریلمزلیی اساسین‌دا دولتلریمیزین قونشولوق مناسبتلرینین قورولماسینا باشلاماسی اوچون شرطلر یارادیلمیشدیر. یئنی‌دن تفتیش مؤوضوعسو اولمایان و هئچ بیر زمان اولمایاجاق بو رئال‌لیق دولتلریمیز آراسین‌دا دشمنچی‌لیک صفحه‌سینین باغلانماسینا یول آچیر. بیز ایندی و گله‌جکده هر هانسی بیر قصاص جهدینی قطعیتله رد ائدیر و استثنا ائدیریک؛

۶. بیز بو زیروه گؤروشونون رگیون‌دا قارشی‌لیقلی حرمت و صلحون ایرلیلدیلمه‌سی اوچون محکم تمل تشکیل ائدجیینه امینلییمیزی ایفاده ائدیریک؛

۷. بیز بو واجب زیروه گؤروشونه ائو صاحب‌لیی چرچیوه‌سینده صمیمی قوناقپرورلییه و آذربایجان رسپوبلیکاسی ایله ارمنیستان رسپوبلیکاسی آراسین‌دا ایکی‌طرفلی علاقه‌لرین نرماللاشدیریلماسینین ایرلیلدیلمه‌سینه واجب تحفه‌لرینه گؤره آمریکا بیرلشمیش اشتاتلارینین پرزیدنتی دونالد ترامپا درین منتدارلیغیمیزی ایفاده ائدیریک.

بو بیاننامه ۸ آوگوست ۲۰۲۵-جی ایل تاریخینده آمریکا بیرلشمیش اشتاتلارینین واشینگتن شهرینده امضالانیب".