ایران پرزیدنتی مسعود پزشکیان اؤلکه‌نین رهبری علی خامنه‌ای و اطرافینین «ترامپ یولو» و یا زنگزور دهلیزی ایله باغلی سرت و منفی رئاکسیاسینی یومشالتماغا چالیشیر.

Axar.az خبر وئریر کی، بونو ارمنی ژورنالیست آرام شاهنازاریان دئییب.

اونون سؤزلرینه گؤره، خامنه‌ای و ایرانین حربی-سیاسی رهبرلیینین زنگزور دهلیزی ایله باغلی موقعی سرت اولاراق قالیر:

«پزشکیان و خاریجی ایشلر ناظری عباس عراقچی (ایرانین محافظه‌کار دایره‌لرینده) تهلوکه‌نین شیشیردیلمیش اولدوغونو دوشونور. اصلینده، «ترامپ یولو» ائله زنگزور دهلیزی دئمکدیر. پزشکیان بو مسئله‌ده تمکینلی‌دیر و تهلوکه‌نی شیشیردیلمیش حساب ائدیر».

شاهنازاریان قید ائدیب کی، پزشکیان و کومانداسی اسرائیلله ۱۲ گونلوک محاربه‌یه باخمایاراق، آمریکا ایله پروبلملرین دانیشیقلار یولو ایله حلینین ممکن‌لویونه اینانیر:

«پرزیدنت و عراقچی‌نین اطرافیندا، ائلجه ده حکومتین دیگر قوروملاریندا چوخلو سایدا آذربایجانپرست اکسپرتلر وار کی، اونلارین موقعی بیرباشا ایران پرزیدنتینین فکرینه تأثیر گؤستریر».

قید ائدک کی، مسعود پزشکیان آوگوستون ۱۰-دا وئردییمی آچیقلامادا زنگزور دهلیزی ایله باغلی وضعیتین خبرلرده شیشیردیلدیی کیمی اولمادیغینی بیلدیریب. ایران پرزیدنتینین سؤزلرینه گؤره، بو مسئله‌ده تهرانین طلبلری قارشیلانیب:

«اساس اودور کی، اراضی بوتؤولویو، ائل‌جه ده آوروپا و یا شیمالا گئدن یولوموزون باغلانماماسی مسئله‌لری نظره آلینیب. ناراحاتلیق دوغوران یگانه مسئله یولون آمریکا و ارمنستان شرکتلری طرفیندن تیکیلمه‌سی ایله باغلیدیر».