باشقا دولتین داخلی ایشلرینه قاریشماق نئجه اولور؟ دئمه‌لی، ایرانین لیدری علی خامنه‌اینین باش مشاوری علی اکبر ولایتی تهران‌دا ارمنستان خارجی ایشلر ناظرینین معاونی واهان کوستانیانلا گؤروشونده واشینگتن راضیلاشماسینی نظرده توتاراق «ایران اؤز تهلوکسیزلیینه قارشی هئچ بیر آددیما دؤزمه‌یه‌جک» فکرینی سسلندیرمکله ایروانا خبردارلیق ائدیب. مؤضوع‌نو داوام ائتدیرن ویلایتی ارمنی دیپلماتا دئییب کی، «رگیونون تالعینی مستثنی اولاراق رگیون اؤلکه‌لری حل ائتمه‌لیدیر». ویلایتی داها «ایر‌لی» گئده‌رک «ارمنستانین باش ناظری آذربایجان پرزیدنتی ایله آغ ائوین صاحبی دونالد ترامپین واسیطه‌چیلیی ایله اورتاق بیاناتا ایمضا آتمامالی ایدی» فکرینی ده سؤیله‌یه بیلردی. بیر دفعه همین ویلایتینین واسطه‌چی‌لییی آذربایجان و ارمنستانین کئچمیش لیدرلری تهران‌دا اورتاق بیاناتا امضا آتدیلار، بیر گون سونرا شوشا اشغال اولوندو. داها سیزین «مصلحتلره» قولاق آساجاق حالیمیز یوخدور.

Axar.az خبر وئریر کی، بونو پولیتولوگ الخان شاهین اوغلو دئییب.

ویلایتی جنوبی قفقاز اؤلکه‌لرینین داخلی ایشلرینه قاریشارکن، بیر باشقا ایران‌لی رسمی لیوانا گئده‌رک بو اؤلکه‌یه «عقل» قویماغا چالیشیب. لیوان دولتی اؤلکه‌ده‌کی قانون‌سوز سلاحلی گروپلاری، او جمله‌دن حزبوللاه تشکیلاتینی ترک سلاح ائتمه‌یه قرار وئریب. بو، لیوانین مستثنی حقوقودور. چونکی بو گروپلاشما ترک سلاح اولونمایینجا اسرائیل لیوانا ایسته‌نیلن آن یئنی‌دن هجوم ائده بیلر. ایرانین عالی ملی تهلوکه‌سیزلیک شوراسینین کاتیبی علی لاریجانی ایسه بیروت‌دا گؤروشدویو لیوان پرزیدنتی جوزف آوندو ایناندیرماغا چالیشیب کی، حزبوللاه تشکیلاتینی ترک سلاح ائتمیین. بو، ایرانین لیوانین داخلی ایشلرینه قاریشماسی دئییل، بس ندیر؟ لیوان پرزیدنتی علی لاریجانی‌یه آچیق دئییب کی، بیزیم داخلی ایشلره قاریشمایین، اؤلکه‌ده قایدا-قانون یارادیلمالیدیر.

محاربه‌لر، سانکسیالار ایران‌داکی محافظه‌کار دایره‌لره درس اولمور.