«صلح مقاویله‌سینین پارافلانماسی بیزی صلحه چوخ بؤیوک آددیم یاخینلاشدیریر. منجه، بو، ارمنستان رسپوبلیکاسینین هر بیر وطنداشی اوچون گؤزله‌نیله‌ن، واجیب و سئویندیریجی حادثه‌دیر».

Axar.az خبر وئریر کی، بونو ارمنستانین اراضی اداره‌ائتمه و نقلیات ناظری داویت خوداتیان دئییب.

اونون سؤزلرینه گؤره، پارافلانمیش سازشین متنین‌ده ارمنستان اوچون فاجعه‌لی و یا بدبخت هئچ نه یوخدور:

«آذربایجان اراضی‌سین‌دن کئچه‌جک یوللار ارمنستان اوچون آچیلیر، چونکی بلوکادانین گؤتورولمه‌سی ایکی طرف‌لی پروسس‌دیر».

خوداتیان بیلدیریب کی، آذربایجانلا اؤلکه‌سی آراسیندا یوللارین (و یا زنگزور دهلیزینین) آچیلماسی ارمنستانین انکشافی باخیمیندان چوخ واجیبدیر:

«بو مرحله اوچون نه قدر لازیم ایدیسه، او قدر معلومات چاتدیریلیب و حاضردا اونا علاوه ائدجییم هئچ بیر شئی یوخدور. یاخین گله‌جکده ایش پروسسلری باشلایاجاق و علاوه معلوماتلارین چاتدیریلماسینا احتیاج یاراندیغی آندان اعتباراً حکومت همین معلوماتلاری مطلق چاتدیراجاق».

ناظر علاوه ائدیب کی، آذربایجان و ارمنستان‌دا یوللارین آچیلماسی ایله باغلی تئزلیکله ایشچی گروپو یارادیلاجاق.