ارمنستان و آمریکا «ترامپ کؤرپوسو»نه (زنگزور دهلیزی) نظارت ائتمک اوچون بیرگه شرکت یاراداجاق.

Axar.az خبر وئریر کی، بو باره‌ده ارمنستان خاریجی ایشلر ناظرینین معاونی واهان کوستانیان آچیقلاما وئریب. اونون سؤزلرینه گؤره، لایحه‌نین شرطلری ایرانلا راضیلاشدیریلیب و تهران طرفینین تهلوکه‌سیزلیکله باغلی ناراحاتلیقلاری نظره آلینیب.

خاطرلاداق کی، بیر مدت اول ایران اسلام انقلابی کشیک‌چیلری کورپوسونون سیاسی مسئله‌لر اوزره معاونی، گنرال یدالله جوانی آذربایجانی و ارمنستانین باش ناظری نیکول پاشینیانی سرت تنقید ائد‌رک ایکی اؤلکه‌نین اوکراینا پرزیدنتی ولادیمیر زلنسکینین سهوینی تکرارلادیقلارینی ادعا ائتمیشدی.

داها سونرا مسئله ایله باغلی ایران خاریجی ایشلر ناظرلیینین سؤزچوسو اسماعیل بقایی چیخیش ائد‌رک زنگزور دهلیزینده «ترامپ مارشروتو»نا تهلوکه اولدوغو باره‌ده یاییلان معلوماتلاری تکزیب ائدیب. او، ایران و ارمنستان آراسیندا مهریبان قونشولوق مناسبتلرینین داوام ائتدیینی وورغولاییب.