آذربایجان پرزیدنتی الهام علیئو ایران پرزیدنتی مسعود پزشکیانلا، او جمله‌دن ایکی پرزیدنتین آدمینیستراسیالاری آراسیندا مناسبتلرین کونستروکتیو، مهریبان اولدوغونو بیان ائدیب.

Axar.az خبر وئریر کی، بو فکرلری آذربایجان پرزیدنتی الهام علیئو سعودییه عربستانینین «العربیه» تله‌کانالینا مصاحبه‌سین‌ده دئییب.

دولت باشچی‌سی بیلدیریب کی، ایرانین یئنی حادثه‌لرله باغلی رسمی موقعینه گلینجه، آذربایجان بونو چوخ اساس‌لی و چوخ مثبت حساب ائدیر:

«من رسمی مؤقع دئینده پرزیدنتین، خارجی ایشلر ناظرینین موقعینی نظرده توتورام. بو، رسمی مؤقع حساب اولونور».

دیگرلرینین موقعینه گلینجه ایسه پرزیدنت ایلهام علیئو قید ائدیب کی، آذربایجان سیاستینی ایران خالقی طرفین‌دن سئچیله‌ن و اؤز وظیفه‌سینی یئرینه یئتیرمک صلاحیتینه مالک اولان، یعنی، پرزیدنت کیمی سیاست‌چیلره اساساً قورور:

«حاضردا مشاور کیمی آدلاندیریلان بعضی کئچمیش رسمیلر طرفیندن معین فکرلر سسلندیریلمیشدیر. نه مصلحتلر وئریرلر، بیلمیرم. درحال رئاکسیا اولدو... بو مؤقع بیزیم اوچون هئچ جور اهمیتلی دئییل. بیزیم اوچون بونون اهمیتی صفردیر، چونکی دولتلرآراسی مناسبتلریمیز حکومتلر، پرزیدنتلر، خارجی ایشلر ناظرلری آراسیندا قورولور. بونا گؤره ده دیرناق آراسی مشاورلرین بو یالانچی روایتلرینه قطیعا محل قویموروق. بئله‌لیکله، بیزیم اوچون هر شئی آیدیندیر».

الهام علیئو وورغولاییب کی، ایران پرزیدنتینین موقعی تمامیله منطیق‌لی‌دیر و اونا اساس‌لانیر کی، زنگزور دهلیزی هئچ بیر حال‌دا ایران اوچون تهلوکه دئییل:

«بعضی مئدیا اورگانلاریندا، بعضی اینترنت سایتلاریندا آذربایجانین زنگزورو اشغال ائدجیینه، ایرانلا ارمنستان سرحدینی کسجیینه دایر پلانلار باره‌ده چوخلو شایعه‌لر یاییلمیشدیر. بو، تمامیله یالاندیر. بیزیم بئله بیر نیتیمیز یوخدور. هر حال‌دا، ائتمک ایستسیدیک، ائدردیک. ۲۰۲۰-جی ایلین نیابر آییندا بونو ائتمک چوخ آسان ایدی. بو سون بئش ایل عرضینده ده بونو ائتمک چوخ آسان ایدی. جمعی ۴۰ کیلومتردیر، حربی باخیمدان چوخ واخت آپارمایاجاقدی. ساده‌جه، هر ایکی طرفدن - ناخچیوان‌دان و آذربایجانین بو طرفین‌دن گلیرسن و گؤتورورسه‌ن. حتی پیس مصلحتلر وئره‌نلر ده بیلیرلر کی، بونون اوچون بیزیم گوجوموز وار. بیز تجاوزکار اولمادیغیمیز اوچون بونو ائتمدیک. بیز اشغال ائد‌ن اؤلکه دئییلیک، بیز اراضیلری آزاد ائد‌ن انسانلار و اؤلکه‌ییک. بیزیم ایشیمیز بوندان عبارت ایدی و بیزیم محاربه ده عدالتلی ایدی».

ایلهام علیئو بیان ائدیب کی، ایندی آذربایجانین ارمنستان-ایران سرحدینی کسمیی پلانلاشدیردیغی ایله باغلی بوتون بو سؤز-صحبتلر تمامیله اساس‌سیزدیر:

«بونو هامی بیلیر. یئری گلمیشکن، بو بئش ایل عرضینده ارمنستان زنگزور دهلیزینین آچیلماسینا مانع اولاندا بیز ایران حکومتی ایله یئنه ده حکومتلرآراسی راضیلیغا گلدیک کی، ایران اراضی‌سینده علاوه یول چکیله‌جک و او، آراز چایینین آدی ایله - «آراز دهلیزی» آدلانیردی. آذربایجان ارمنستان‌دان یان کئچمک اوچون آراز چایی اوزرینده کؤرپونون تیکینتی‌سینه خیلی وسایت یاتیریر. خریطه‌یه باخسانیز، بونون چتین اولمادیغینی گؤرجکسینیز. سیز، ساده‌جه اولاراق، ارمنستان-آذربایجان سرحدینه چاتیرسینیز، سونرا سولا دؤنورسونوز، چای اوزرینده کؤرپو تیکیرسینیز و ایران اراضی‌سینده ۴۰ کیلومتر گئدیرسینیز، سونرا یئنی‌دن ناخچیوانا داخل اولورسونوز. بئله کی، بو لایحه آرتیق اجرا مرحله‌سینده‌دیر. ارمنستان‌دان کئچن دهلیز آچیلاندا بیزیم ایکی یولوموز اولاجاق، یوکلری چاتدیرماق اوچون داها چوخ امکانلاریمیز اولاجاق - بیر یوللا ایراندان، دیگر یوللا ارمنستان‌دان. بیز ایران حکومتینده‌کی همکارلاریمیزلا اونو دا مذاکره ائتدیک کی، چایین دیگر ساحلینده، ایران اراضی‌سینده دمیر یولونون تیکینتیسی ضرورتی یارانا بیلر. بئله اولارسا - ایران همین یولو اینشا ائتسه، یوکلرین بیر حیصه‌سی ایراندان کئچه‌جک».