«نتانیاهونون «ارمنی سویقیریمی» آچیقلاماسی، بئله بیر یالانا شریک اولماق جهدی، تورک ملتینه بهتان آتماق میلی اسرائیلین ده ماراقلارینا ضیددیر. بو، اسرائیلله تورک خالقی آراسیندا کؤرپولرین یاندیریلماسی دئمکدیر.

Axar.az خبر وئریر کی، بونو تورکیه‌لی ژورنالیست و یاخین شرق اوزره سیاسی شرحچی دنیز بوستانی دئییب.

«نتانیاهو حکومتی فلسطین‌ده گؤردوکلری هر کسی، او جمله‌دن قادین و اوشاقلاری اؤلدوروب. اونلار تاریخه انسان حاقلارینی پوزان حکومت کیمی دوشوب. صحبت تکجه انسان حقوقلارینی دئییل، هم ده قونشو سوریا سرحدلرینی پوزان و ب.ام.ت-نین لیوان‌داکی قطعنامه‌لرینی تانیمایان حکومت‌دن گئدیر. بئله کریتیک بیر شرایط‌ده، قفقازدا مناسبتلرین یاخشی اولدوغو، تورک ملتی ایله ده اسرائیل آراسیندا گؤزچارپان هئچ بیر پروبلمین اولمادیغی بیر واخت‌دا نتانیاهونون بیاناتی گئرچکلشرسه، او، ان بؤیوک پیس‌لییی اسرائیل خالقینا ائتمیش اولاجاق. بئله گؤرونور کی، ایسرایلین باش ناظری ارمنی لوببیلرینین تأثیری آلتینا دوشمه‌یه مئییل‌لی‌دیر.

تورکیه‌یه، آذربایجانا، دولاییسی ایله تورک ملتینه قارشی دوشمنچی‌لیک مناسیبتی بسله‌یه‌ن، چیرکین ایشلره ال آتماغا جهد ائد‌ن ایستر یئرلی، ایسترسه ده بین‌الخالق اولسون، هر بیر تشکیلات ضرر گؤروب و بوندان سونرا دا گؤره‌جک. اسرائیل باش ناظری ضرر گؤره‌نلرله بیرلیکده اولماغیمی سئچه‌جک، یوخسا حاقلی اولان، مظلومون یانین‌دا اولان تورک ملتی ایله منطیقی اولاراق کؤرپولر قوراجاق؟»

بوستانی قید ائدیب کی، بو قرار هله اسرائیل حکومتی طرفیندن وئریلمه‌ییب:

«نتانیاهو تورک ملتینه بهتان آتاراق قوندارما «ارمنی سویقیریمی» یالانینی دیله گتیرسه ده، اسرائیل حکومتی بئله بیر یالانین آلتینا امضاسینی آتا بیلمز. ظنیمجه، اسرائیل‌لیلر ده بیلیر کی، تورکلر دیگر یاخین شرق خالقلاریندان فرق‌لنیر؛ اونونلا دوشمن‌چی‌لیک ائد‌نی اونوتمور و بهتان آتانی باغیشلامیر.

حساب ائدیره‌م کی، اسرائیل دولتی بونون فرقین‌ده‌دیر. نتانیاهو بین‌الخالق ارمنی ترور تشکیلاتلارینا خوش گؤرونمه‌یه چالیشاراق، اؤز سونونو حاضرلایا بیلر. بیر داها دئییرم کی، اسرائیل دولتی تورک ملتینه قارشی بئله بیر ایفطیرایا امضا آتماز».

خاطرلاداق کی، اسرائیلین باش ناظری بنیامین نتانیاهو عثمانلی ایمپرییاسی طرفیندن ۲۰-جی عصرین اوللرینده تؤردیلدیی ادعا اولونان قوندارما «ارمنی سویقیریمی»نی تانیدیغینی آچیقلاییب. تورکیه خاریجی ایشلر ناظرلییی (خین) نتانیاهونون قوندارما «ارمنی سویقیریمی» ایله باغلی بیاناتینی رد ائدیب.