رسپوبلیکا پارتیاسی طرفیندن رشیده داتینین پاریس مری وظیفه‌سینه نامزدلیینین ایر‌لی سورولمه‌سی ارمنیلری چوخ ناراحات ائدیب.

Axar.az خبر وئریر کی، بو باره‌ده فرانساداکی ارمنی تشکیلاتلارینین کووردیناسیا شوراسی بیانات یاییب.

شورا بیلدیریب کی، رشیده داتی آذربایجان پرزیدنتی ایلهام علی‌یئو و بیرینجی ویتسه پرزیدنت مهریبان علی‌یئوا ایله علاقه‌لرینی قورویوب ساخلایاراق آذربایجانا معلوم یاخین‌لیغینی نماییش ائتدیریر.

ارمنی دیاسپورو آذربایجانا قارشی عنعنوی اتهاملارینی سسلندیریب، علاوه اولاراق ایکینجی قاراباغ ساواشیندان سونرا «ائتنیک تمیزله‌مه» شرَینی و بونلاردا «رشیده داتینین ده الی وار» آبسوردونو سسلندیریب.

قید ائدک کی، ۱۹۶۵-جی ایل تولدلو رشیده داتی ۲۰۰۷–۲۰۰۹-جو ایللرده پرزیدنت نیکولا سارکوزینین دورونده عدلیه ناظری وظیفه‌سینده چالیشمیش فرانسیز سیاستچی‌دیر. فرانسا حکومتینده‌کی ایلک عرب قادیندیر.

او، رسپوبلیکاچیلارین عضوو، عینی زمان‌دا ۲۰۰۹–۲۰۱۹-جو ایللرده ایل-دفرانسی تمثیل ائد‌ن آوروپا پارلامنتینین عضوو کیمی فعالیت گؤسترمیشدیر.

۲۰۰۸-جی ایلده او، پاریسین ۷-جی دایره‌سینین مری سئچیلیب و عینی زمان‌دا پاریس شوراسینین عضوو اولوب.