آذربایجان اؤز موستقیللیینی برپا ائتدیک‌دن سونرا هر زامان چوخ شاخه‌لی، پراگماتیک و ملی ماراقلارا سؤیکه‌نه‌ن خارجی سیاستی یورودوب و دیگر اؤلکه‌لرله، او جمله‌دن ایران و اسرائیل ایله قارشی‌لیقلی حرمت، سوورنلیک و قارشیلیقلی ماراقلارا اساس‌لانان ایکی طرف‌لی علاقه‌لر قورور.

Axar.az خبر وئریر کی، بو باره‌ده آذربایجان رسپوبلیکاسی پرزیدنتینین خصوصی تاپشیریقلار اوزره نماینده‌سی سفیر ائلچین امیربیوو «ای۲۴ نیوز» تله‌کانالینین فرانسیز رداکسییاسینا مصاحبه‌سین‌ده بیلدیریب.

ائلچین امیربیوو قید ائدیب کی، آذربایجانین مقصدی بو اؤلکه‌لر آراسیندا فکر مختلف‌لییی کونتکستینده طرف توتماق دئییل، عکسینه کونستروکتیو رول اویناماق و ممکن اولدوغو تقدیرده اونلارین بیر-بیرلرینی قارشی‌لیقلی شکیل‌ده آنلاماسینا تهفه وئرمکدیر:

«بیز قطیعتله اینانیریق کی، رگیونال گرگینلیکلر دیالوگا مانع اولمامالی‌دیر و گیزلی دیپلماتییا بعضا یومشالمایا دوغرو گؤزلنیلمز یوللار آچا بیلر. بیز، محض بو روحدا حرکت ائدیریک: احتیاط‌لی، تارازلی و مسئولیت‌لی شکیل‌ده».

پرزیدنتینین خصوصی تاپشیریقلار اوزره نماینده‌سی غزه‌ده باش وئره‌نلره ده مناسبت بیلدیریب.

«ایکی دولت» حلی بیر چوخ بین‌الخالق آکتورلار کیمی بیزیم ده گؤزوموزده اسرائیل‌لیلر و فلسطین‌لیلر آراسیندا عدالتلی صلح اوچون اعتبارلی و دایانیقلی اساس اولاراق قالیر. غزه‌ده داوام ائد‌ن مناقشه بو حلی داها اوزاق و کؤورک ائدیر، لاکین اونون آکتواللیغینی آرادان قالدیرمیر. عکسینه، بو فاجعه بیزه بین‌الخالق حقوقا، هر کسین تهلوکه‌سیزلییی و لیاقتینه اساس‌لانان دانیشیقلار یولو ایله سیاسی حلین تعجیلی‌لیینی خاطرلادیر. بین‌الخالق اجتماعیتین رولو بو استقامت‌ده ایسته‌نیله‌ن ایناندیریجی تشببوسو فعال شکیلده دستکله‌مکدن عبارتدیر»، - الچین امیربیوو وورغولاییب.