روسییا پرزیدنتی ولادیمیر پوتین اوکراینا محاربه‌سی فونون‌دا اؤزونو «صلح‌پرور» کیمی گؤسترمک اوچون تئز-تئز عینی فیکری تکرارلاییر: «روسییانین ناتو اؤلکه‌لرینه هجوم ائتمک فیکری یوخدور. غرب اؤلکه‌لرین‌ده بئله دوشونه‌نلر وارسا، عقللارینی ایتیریبلر». کرمل صاحبی بوگونه قدر او قدر یالان دانیشیب کی، بو دا اونلاردان بیری‌دیر. پوتینین امری اولماسایدی، روسییا درونلاری ناتو عضوو اولان پولشانین هاوا ساحه‌سینه داخیل اولمازدی.

Axar.az خبر وئریر کی. بو سؤزلری پولیتولوگ ائلخان شاهین‌اوغ‌لو قید ائدیب.

او بیلدیریب کی، درونلار پولشانین (لهستان) هوا ساحه‌سین‌ده داخیل اولماق اوچون اوکراینانین غرب بؤلگه‌لریندن کئچیب:

«محاربه اوکراینانین شرقین‌ده گئدیر، روسییا درونلاری ایسه جبهه بؤلگه‌سین‌دن مین کیلومترلرله اوزاق مسافه قطع ائدیبلر.

پوتین آمریکا پرزیدنتی دونالد ترامپی یالاندان تعریفله‌مکله مشغولدور، رئال‌لیقدا ایسه او، آغ ائو صاحبینین ایمیجینه ضربه‌لر وورماق‌دا داوام ائدیر.

پرزیدنتلرین آلیاسکا گؤروشون‌دن سونرا روسییانین اوکراینایا قارشی اشغالچی محاربه‌سی گئنیشله‌نیب، پایتاخت کیف بومبالانیر، ملکی انسانلار هلاک اولورلار. پوتین پولشانی هدف سئچیمکله ناتو-نون و واشینگتونون نبضینی یوخلاییر. واشینگتون و بروکسل عملی تدبیرلر گؤرمه‌یه‌جکلری حالدا پولشادان سونرا روسییا درونلاری دیگر ناتو عضولری اولان بالتیک اؤلکه‌لری، او جمله‌دن فنلاندییانین هوا ساحه‌سین‌ده ده گؤرونه‌جک».