بو گون، سنتیابر آیینین ۱۵، شهریور آیینین ۲۵ «قادین، یاشام، آزادلیق» حرکاتینین باشلانماسینین ایلدؤنومودور.

بو گون، ظلمه باش قالدیرمیش، خالقین گلجه‌یی اوچون اؤز گلجه‌ییندن واز کئچمیش نسلین گونودور؛ اراده، جسارت و دیرنیشین واحد بیر بدنده توپلاشدیغی گوندور.

مهسا امینینین حکومت مأمورلاری طرفیندن اؤلدورولمه‌سیندن سونرا آیلارجا سورن اعتراض و دیرنیش دالغاسی باشلادی. بونلاردان سونرا، نه حکومت اولکی حکومت اولدو، نه ملت اولکی حالیندا قالدی. ملتین یومروغونون گوجونو هر کس حس ائتدی. انقلابین روحو شهر کوچه‌لرینده دولاشدی و اؤز توخومونو گنج اورکلره سپدی. بو گون اسرافیل سورا اوفوردو و انقلابچی قیزلار-اوغوللار گونش کیمی کوچه‌لری آیدینلاتماغا باشلادیلار.

بو آیدینلیق کؤلگه‌ده قالمیش اینانجی، ملی ایرادنی گؤز اؤنونه سردی؛ آرتیق دییشیمین ممکونلویونه، حکومتین عاجزلیینه هامی اینانماغا باشلامیشدی. بیر سیرالارینی قورخو، دیگرلرینی ایسه امید حسی بوروموشدو.

او گوندن سونرا، «قادین، یاشام، آزادلیغین» هر زمانکین‌دن داها یاخین اولدوغونو و حتی، لمس ائدبیله‌جک قدر یاخین اولدوغونو گؤردو قهرمان اؤولادلاریمیز. بو گون بیر آز داها یاخینیق انقلابا و بو یاخینلیغی همین حرکات‌دا جانلارینی، اؤز حیاتلارینی فدا ائد‌ن قهرمانلاریمیزا بورجلویوق. سؤزسوز کی، حکومت امیدسیزلیی آشیلاماغا چالیشیر بیزلره، بیزلری اینانجیمیزدان سویوتماغا چالیشیر؛ لاکن هئچ بیر اعتراض، هئچ بیر دیرنیش ثمره‌سیز اولماییب، حبسده یاتان هئچ بیر مبارزیمیز بوشونا یاتماییب و آسیلان، گوله‌لنه‌ن هئچ بیر گنجیمیزین قانی ابس یئره آخماییب. اونلارین سایه‌سینده بو گون حکومت گوج‌سوز، چاره‌سیز بیر کونج‌ده سیخیلیب قالیب.

بو گون هر کس ملا رژیمینین سونونو گؤرورسه، یئنی بیر گله‌جک ایسته‌ییرسه اگر، بونو دیرنیشچی و مبارزلریمیزه بورجلویوق.
مهسا، سنین آدین آیدین گله‌جه‌کدن خبر وئریر.

قادین، یاشام آزادلیق

آزادلیق، عدالت، ملی حکومت.